«Стопнаркотик» кыймыгуныҥ ижи-тожы

03.06.2017

«Стопнаркотик» деген Текшироссиялык јондык кыймыгуныҥ Алтай Республикадагы талалык бӧлӱгиниҥ јуунында бу кыймыгуныҥ ижиниҥ уч—турулталары кӧрӱлген.

Jуунда келер ӧйдӧ бӱдӱретен иштер јӧптӧлгӧн, ол тоодо «Марихуананыҥ пропагандазын болдыртпас» деген акция, Горно-Алтайскта наркотический ле психотропный веществолорды садары аайынча јарларды јоголто будыыры, соцсеть ажыра андый веществолорды садып тургандарды илезине чыгарары јанынаҥ иштер.

Бу кыймыгуныҥ бистиҥ таладагы бӧлӱги былтыр јашӧскӱримниҥ политиказы, физкультура ла спорт аайынча республикан комитеттиҥ, «Алтай Республикада јашӧскӱримниҥ политиказы, черӱчил-тӧрӧлчи таскамал ла черӱдеҥ озо белетеш аайынча тӧс јер» деген бюджет учреждениениҥ баштаҥкайыла тӧзӧлгӧн. Кыймыгуныҥ талалык бӧлӱгиниҥ улузы бу ӧйдиҥ туркунына наркотиктерле тартыжу аайынча јетирӱ-јартамалду ла ӧскӧ дӧ ууламјыларлу туштажуларды, иштерди ӱредӱлик учреждениелерде ӧткӱрген деп, ӧрӧ адалган бюджет учреждениениҥ пресс-службазы јетирет.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина