Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Республиканыҥ ээлемдери кайралдарлу јанган

14.06.2017

Укту койлордыҥ ла эчкилердиҥ Сибирьдиҥ ле Ыраак Кӱнчыгыштыҥ талалары ортодогы XIV кӧрӱниҥ уч-турулталарыла, бистиҥ таланыҥ ээлемдери бийик кӧргӱзӱлерге јеткен деп, республикан Минјуртээлем јетирет.

Быјыл бу кӧрӱде Алтай, Бурят, Тыва, Хакас республикалардыҥ, Алтай ла Забайкальский крайлардыҥ укту мал ӧскӱрип турган 34 ээлеми турушкан, олор койлордыҥ он угын ла экчилердиҥ ӱч угын кӧргӱскен. Кӧрӱге бастыра 272 тын койлор ло эчкилер экелилген болгон. Бистиҥ таланыҥ укту мал ӧскӱрип турган «Катанда», «Амурский», «Ортолык», «Михаил» деген ээлемдери кӧрӱниҥ 14 медалиле кайралдаткан: 9 алтын, 4 мӧҥӱн, 1 кӱлер. Производственный организациялар ортодо укту эчкилер ӧскӱрер ээлемдер аайынча конкурста Кош-Агаш аймакта Алексей Табылгинов башкарып турган «Ортолык» СПК баштапкы јерге чыккан. Экинчи јерде—Оҥдой аймакта Амаду Какашев башкарып турган «Михаил» ООО. Укту койлор ӧскӱрер ээлемдер ортодо конкурста Кӧксуу-Оозы аймакта Владимир Кормелицкий башкарып турган «Катанда» АО экинчи јерде болгон.
Кӧрӱниҥ ижиниҥ уч-турулталарын кӧрӧр тушта Забайкальский крайдыҥ губернаторы Наталья Жданова, РФ-тыҥ Президентиниҥ Сибирьдеги федерал округтагы чыдулу чыгартулу кижизи Сергей Меняйло база турушкан.
Кӧрӱниҥ экспертный камызында бистиҥ таладаҥ АР-дыҥ јурт ээлем аайынча министерствозыныҥ мал ӧскӱрери, малдыҥ угын јарандырары ла инновационный техникалык ӧзӱм јанынаҥ бӧлӱгиниҥ специализи Татьяна Каргачакова, јурт ээлемниҥ Горно-Алтайский НИИ-зиниҥ кой ло эчки ӧскӱрери аайынча лабораториязыныҥ јааны Николай Подкорытов турушкан. Экспертный камыс јаҥыс ла малдыҥ угын эмес, је анайда укту мал ӧскӱрип турган ээлемдердиҥ бӱткӱл ижин база шиҥдеп кӧргӧн. Кӧрӱ ӧйинде укту мал ӧскӱрериниҥ сурактарына учурлалган тегерик стол база ӧткӧн.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина