«Беловодьеде»—полицияныҥ кӱни

19.06.2017

Россияныҥ МВД-зыныҥ Кӧксуу-Оозы аймак аайынча бӧлӱгиниҥ полицейскийлери ле ГИБДД-ныҥ башкартузыныҥ ишчилери балдардыҥ бу аймактагы «Беловодье» деген лагеринде болуп, јаш ӱйени полицияныҥ ижиле таныштырган деп, республикан МВД-ныҥ пресс-службазы јетирет.

Балдар ортодо каршулу керектер болбозын јеткилдеерге болуп, полицейскийлер олорго јасактыҥ ээжи-некелтелерин бусканы учун кандый уголовный ла административный кезедӱлер эдилип турганы керегинде куучындагандар. Анайда ок балдарга нениҥ учун «комендатский час» јӧптӧлгӧни, балдар ичбойындагы керектер аайынча органдарда профилактикалык учетко кандый учуралдарда тургузылатаны јанынаҥ јартамалдар эдилген. Автоинспекторлор јолло јорыктаарыныҥ ээжилери јанынаҥ јартамалдар эдип, оноҥ конкурс ӧткӱргендер.
Полицияныҥ ишчилери ле лагерьде амырап, су-кадыгын тыҥыдып турган балдар ортодо туштажу «Правопорядок» деген викторинала тӱгенген. Балдар бу туштажу ӧйинде нени билип алганын ол викторина ажыра кӧргӱскен. Уулчактарды анчада ла полицияда тузаланылып турган мылтык-јепсел ле јазалдар тыҥ јилбиркеткен, олордыҥ кезигин колго тударына да берген.
Викторинаныҥ ла конкурстыҥ эрчимдӱ туружаачылары болгон балдар тӱнде отко јаркындалып турар эдимдерле, ӧскӧ дӧ сыйларла кайралдаткан.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина