609 муҥ чаал отургыскан

20.06.2017

АР-дыҥ ар-бӱткенниҥ байлыктары, экология ла ар-јӧӧжӧлик колбулар аайынча министерствозыныҥ, Jерлик ар-бӱткенниҥ текшителекейлик фондыныҥ ла «Ив Роше» компанияныҥ ӧмӧ-јӧмӧ ижиниҥ, «Jер-телекейди ӧмӧ-јӧмӧ јажарталы» деген акцияныҥ шылтузында јербойыныҥ агаш ӧскӱреечилери бистиҥ тергеениҥ агаш-тажы кӱйген ле јыгындар болгон јерлеринде мӧштиҥ 609 муҥнаҥ кӧп чаалдарын отургыскан.

Бу иш Турачак, Кан-Оозы ла Кӧксуу-Оозы аймактардыҥ јерлеринде ӧткӧн. ²рӧ адалган фондтыҥ ла компанияныҥ программазыныҥ ээжизиле, чаалдарды ӧскӱрери химикаттарды тузаланбастаҥ ӧдӧр учурлу. Оныҥ да учун питомниктерде чаалдар ӧскӱрер тушта сӱрее ӧлӧҥ-чӧпти колдыҥ кӱчиле јоголтып јадылар. Питомниктиҥ чаалдарын кедертинде мӧштиҥ чаалдары анда-мында ӧзӱп јаткан јерлерде отургысканы бистиҥ тергеениҥ агаш ээлеминиҥ тӱӱкизинде баштапкы учурал деп, ол фондтыҥ Алтай-Саян бӧлӱгиниҥ пресс-центри јетирет.
Фондтыҥ ла компанияныҥ ӧмӧ-јӧмӧ ӱлекери бистиҥ јерде 2012 јылдаҥ ала иштеп баштаган: ол тушта 500 гектардаҥ эмеш ас јерде агаштыҥ 1,5 миллион кире чаалдары. 2013 јылда бир миллион, 2014-2015 јылдарда эки миллион кире чаалдар отургызылган.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина