Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Башчы федерал министрле тушташкан

23.06.2017

АР-дыҥ Башчызы Александр Бердников ло РФ-тыҥ су-кадыкты корыыры аайынча министри Вероника Скворцова ортодо ишмекчи туштажу Москвада ӧткӧн деп, республикан Башкаруныҥ сайты јетирет.

Jуунда АР-дыҥ Башкарузыныҥ Председателиниҥ ордынчызы, бистиҥ республиканыҥ Москвадагы чыдулу чыгартулу кижизи Ирина Лозовая, РФ-тыҥ су-кадыкты корыыры аайынча министерствозыныҥ ишчилери турушкан. Jуунныҥ туружаачылары бистиҥ тергеедеги медико-демографиялык айалганы шиҥдеп кӧрӱп, јербойында албаты-јонныҥ тоозы кӧптӧп, божоп турган улустыҥ тоозы астап турганын, улус јаш јажаары кӧптӧгӧнин темдектеген. Эл-јонды врачтарла, орто медишчилерле, орын фондло јеткилдеери јанынаҥ бистиҥ тергеениҥ кӧргӱзӱлери керек дезе ороон кеминде орто кӧргӱзӱлердеҥ бийик.
Александр Бердников Чамал аймактыҥ эмчилигиниҥ туразын садып алары керегинде суракты кӧдӱрген. Ол эмчилик јанынаҥ РФ-тыҥ Президенти Владимир Путинниҥ јакылтазы да бар. Вероника Скворцова бу объектке јаан ајару эдип турганын угускан. Министр тергеедеги медициналык бӧлӱк план-ээжиле, јолдыҥ картазыла иштеп турганын темдектеген. Медицинаныҥ ӧзӱмиле колбулу иш јанынаҥ ајарулар болбогон.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина