Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Алтын казып табарын јаратпай

28.06.2017

Алтын Кӧлдиҥ јанында алтын казар иштедерди токтодор суракла Турачак аймактыҥ эл-јоны Россияныҥ Президенти Владимир Путинге баштанган.

Артыбаштагы јурт јеезениҥ јеринде, Алтын Кӧлдӧҥ 8 км кирезинде, «Алтайская корона» деген компания цианид натрия деген химикатты тузаланып, алтын казар иштер ӧткӱрерге турганы баштануда айдылат. Бу химикат кижиге де, тындуларга ла балыктарга да јаан каршулу корон болуп јат ла, кичинек те кеми сууга јеткежин, экологиялык јеткер-тӱбекке экелер. «Алтайская корона» Турачак аймактыҥ јеринде мынаҥ озо алтын казар иштер ӧткӱрип, мӧш ӧскӧн тайганыҥ ордына ээн-куру јер артырганы, иштеген улузына ишјал тӧлӧбӧй, шылу керекке киргени база темдектелет.
Алтын Кӧл кижиликтиҥ ар-бӱткендик энчизиниҥ тооломына кирген ле оныҥ јараттарында јердиҥ байлыктарын казып табар, ар-бӱткенге каршу јетирер иштер ӧткӱрерге јарабас болгоны база айдылат.
Бу баштануныҥ алдына Ново-Троицк, Кебезен, Усть-Пыжа, Тулой, Артыбаш, Турачак, Курмач-Байгол ло ӧскӧ дӧ јурттардыҥ 2 муҥ кире улузы колын салган.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина