Агаш белетеечилерле јуун ӧткӧн

29.06.2017

АР-дыҥ ар-бӱткенниҥ байлыктары, экология ла ар-јӧӧжӧлик колбулар аайынча министри Александр Алисов агаш ээлемниҥ ӧзӱмине учурлалган сурактар јанынаҥ јуунды Турачак аймакта ӧткӱрген.

Jуунда министерствоныҥ башкартузындагы учреждениелердиҥ башкараачылары, участковый лесничийлер, агаш участоктордыҥ арендаторлоры турушкан. Jуунда агаш байлыкты чеберлеериле, билгир тузаланарыла, агаштаҥ не-немелер эдип чыгарарын јербойында тӧзӧӧриле колбулу сурактар кӧрӱлген. Министр агаштыҥ переработказыныҥ таштанчыларын јоголторго, котельныйларда агаш такпай-јарчаала одырар котелдор тургузар керек деп шӱӱлте эткен. Курч деген сурактардыҥ тоозында агаш белетеер јерлердӧӧн јолдор јок болгоны, андый јолдор тудар тушта керектӱ документтер белетеериле колбулу уур-кӱчтер деп, бу министерствоныҥ пресс-службазы јетирет.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина