Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Чуйдыҥ јолын јазаары графикти озолойт

04.07.2017

Федерал учурлу бу јолдыҥ Майма аймактыҥ јериндеги 490 километрдеҥ ала 495 километрге јетире ӱзӱгин јазаар иште јол јазаачылар соок ресайклинг деген эп-сӱмени тузаланат деп, «Упрдор «Алтай» деген федерал казенный учреждениениҥ пресс-службазыныҥ јетирӱзинде айдылган.

Тургуза ӧйдӧ тӱште бу јолло јорыктап турган кӧлӱктердиҥ тоозы кӧп лӧ тыҥ изӱлер туруп турган учун јазашту иштер тӱнде ӧткӱрилет. «Тӱндеги иш Барангол јурттыҥ албаты-јонына чаптыгын јетирип турганын оҥдоп јадыс, је ӧскӧ арга јок. Тышкары 25 градустаҥ бийик изӱ тушта иштезе, иштиҥ технологиязы бузулар. Оныҥ да учун јолло јорыктап тургандарды ла јербойыныҥ эл-јонын бу айалганы оҥдозын деп сурайдыс. Подрядный организация јолды јазаарын тӱрген-тӱкей ле чыҥдый бӱдӱрерге чырмайар»—деп, ӧрӧ адалган учреждениениҥ чыҥдыйды шиҥдеери аайынча бӧлӱгиниҥ јааны Александр Соловьев јартайт.
График аайынча болзо, бу объект тузаланарына сыгын айда табыштырылар учурлу, је јарамыкту айалгалар болзо, ведомство ишти чик јок озо бӱдӱрип салар.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина