Оҥдой: јондык советтиҥ јууны

17.07.2017

Оҥдой аймактыҥ тӧс эмчилигинде мындагы јондык советтиҥ јууны ӧтти. Ого јондык организациялардыҥ, кенектердиҥ, ветерандардыҥ чыгартулу улузы, аймактыҥ администрациязыныҥ ла јурт јеезелердиҥ ишчилери кирет.

Поликлиниканыҥ јааныныҥ молјуларын бӱдӱреечи А. Минашкина регистратураныҥ ижи, ишке кийдирилген јаҥыртулар керегинде јетирӱ этти. Эмчиликте 2016 јылдаҥ бери инфомат иштейт, пациенттер эмчиге электронный эп-сӱмеле бичидет. Экинчи кварталда регистратурадагы очередь билдирлӱ астаган.
Баш врачтыҥ ордынчызы О. Кудачинаныҥ айтканыла, эмдеер учреждениелерде шеф-таскадаачылардыҥ керегин элбеде таркадар керек, ол тушта јиит эмчилер бойыныҥ јеҥил эмес профессиязына тӱрген темигер, эмдештиҥ чыҥдыйы бийиктеер.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина