Тарифтер кубулган

2017 јылдыҥ јаан изӱ айыныҥ 1-кы кӱнинеҥ ала Алтай Республикада коммунальный јеткилдештиҥ тарифтери кубулган.

Экинчи јарымјылдыкта ӧзӱмниҥ орто кеми 3,5 процент болгон. Быјыл тарифтерди чокымдаар тушта улустыҥ тӧлӧмирлери кӧптӧбӧзин деп јеҥилтелӱ тарифтер јӧптӧлгӧн.
Тарифтер аайынча комитеттиҥ специалисттериниҥ јартаганыла, чыгымдардыҥ компенсациязыныҥ акчазы республиканыҥ бюджединеҥ алынар, быјыл бу амадуларга 110 миллион салковойдоҥ кӧп акча чыгарылган.
Алтай Республиканыҥ Башчызыныҥ Jарлыгында улус тӧлӧйтӧн акчаныҥ эҥ бийик индекси аймактар сайын чокымдалган. Индекстиҥ эҥ ле бийик кеми Горно-Алтайскта, Майма, Шабалин ле Оҥдой аймактарда болор, ол 5,6 процентке ӧскӧн.
Эҥ ас кеми Кош-Агаш ла Чой аймактарда болор.