Тарифтерди эл-јоныҥ шиҥжӱзинде тудар

25.08.2017

Горно-Алтайсктыҥ администрациязында јондык организациялардыҥ чыгартылу улузыныҥ туштажузы болды. Ондо улус тураларда јатканы, олорды суула, јылула јеткилдегени учун тӧлӧйтӧн тӧлӧмирлер керегинде сурак шӱӱжилген.

Алтай Республиканыҥ тарифтер аайынча комитединиҥ специалисттери јуулган улуска 2018 јылда тарифтер канайда чотолотоны, анайда ок кӧп квартираларлу тураларда јаткан улус ЖКХ-га тӧлӧйтӧн акчаны канайда кымакайлап алары керегинде куучындадылар.
Алтай Республиканыҥ тарифтер аайынча комитединде мынаҥ озо јондык совет тӧзӧлгӧн. Ол государствоныҥ тарифтер јанынаҥ политиказында болуп турган кубулталарла эл-јонды јаантайын таныщтырар јаҥду деп, јуунда айдылды.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина