Эскизинеҥ јаҥы тураларга

АР-дыҥ талалык ӧзӱм аайынча министри Н. Кондратьевтиҥ јетиргениле, быјыл Горно-Алтайскта, Майма, Улаган ла Кан-Оозы аймактарда эскизи јеткен тураларда јадып турган 282 кижини јаҥызына кӧчӱрер керек.

Горно-Алтайскта Набережный ороомдо улус јадатан 56 квартираны садып алган, оныҥ баазы 52 миллион салковой, бу турадагы иштердиҥ 70 процент кирези сыгын айдыҥ 1-кы кӱнине јетире белен болор учурлу. Кӱчӱрген айга јетире тура бӱткӱлинче табыштырылар.
Осипенконыҥ оромындагы 31 -чи турадаҥ 14 квартира алынган, олордыҥ текши баазы 13 миллион салковойдоҥ кӧп.
Майма аймакта 40 квартирага улусты кӱчӱрер керек, олордыҥ текши ич кеми 1,4 муҥ квадратный метр. Улаган аймакта туразы эскирген улусты 10 квартирага кӧчӱрери пландалат.