Аймактыҥ эмчилери быйанду акцияда туруштылар

Майма аймактыҥ эмчилигиниҥ ле Кызыл-²зӧктӧги эмдеечи амбулаторияныҥ ӧмӧликтери аргазы ас билелерге балдарын школго јууры јанынаҥ быйанду болуш јетирдилер.

Эмчиликте јуулган акча канцелярский бӱткӱл наборлор, анайда ок јӱктенчик-рюкзактар аларына барган. Майманыҥ эмчилигиниҥ чыгартулу улузы сыйларын 10 јаштаҥ ала 15 јашка јетире кӧп балдарлу билеге табыштырарда, ол балдарга да, олордыҥ ада-энезине де сакыбаган сый болгон. Балдар «бис јакшы ӱренерис» деп сӧзин бердилер.