«Алтайдыҥ Чолмоны» газеттиҥ тӧзӧлгӧнинеҥ ала 95 јылдыгына учурлай маргаандар ӧткӧн

05.09.2017

Сыгын айдыҥ 3-чи кӱнинде Алтай Республиканыҥ тӧс стадионында «Алтайдыҥ Чолмоны» республикан газеттиҥ сыйына «Ирбизектиҥ ойындары» ла «Сартакпайдыҥ согоондоры» деп адалган маргаандар ӧткӧн.

«Ирбизектиҥ ойындары» деп маргаандарда тергеебистиҥ эҥ тыҥ дегени 23 бӧкӧзи спорттыҥ беш бӱдӱми аайынча маргышкан. Ого кӱреш, ок јаадаҥ адары, 800 метрге јӱгӱрери, јерде јаткан ташты кӧдӱрип јӱгӱрери ла камчы аайынча бӱдӱмдер кирген. Мында бастыра беш бӱдӱмниҥ адакы кӧргӱзӱлери аайынча Улаган аймактыҥ бӧкӧзи Александр Темдеков јеҥген. 2-чи, 3-чи, 4-чи ле 5-чи јерлерди Айдар Малчинов (Шабалин аймак), Дмитрий Малофеев (Горно-Алтайск кала), Амаду Трыхманов (Кан-Оозы аймак), Олег Гурин (Горно-Алтайск) алгандар.
Ок-јаадаҥ адар маргаандарда јети команда турушкан. Таҥынаҥ тартыжуларда дезе бойлорыныҥ аргаларын одустаҥ ажыра спортчы ченеген.
Командала 1-кы, 2-чи ле 3-чи јерлерди Оҥдой, Кан-Оозы ла Чамал аймактардыҥ ок-јаачылары алган. Ончолорын акалап, чемпионныҥ адын адаткан командага «Алтайдыҥ Чолмоны» газеттиҥ улалып јӱрер кубогы табыштырылган. Эр улус ортодо Кан-Оозыныҥ спортчызы Н. Шагаев јеҥген. Ӱй улус, уулдар ла кыстар ортодо чемпиондор болуп К. Кискина, Т. Команев ле А. Качканакова чыккандар. Блочный дейтен бӱдӱмде И. Никонов јеҥген.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина