Маала-ажын кем кӧп ӧскӱрер?

14.09.2017

«Юнат-2017» деп бастырароссиялык конкурстыҥ талалык бӧлӱги Горно-Алтайскта ӱзеери ӱредӱниҥ тӧс јеринде ӧтти.

Конкурста Майма, Улаган, Кӧксуу-Оозы, Шабалин, Кан-Оозы, Турачак аймактардыҥ, анайда ок ӱзеери ӱредӱниҥ тӧс јериниҥ, Плакастыҥ адыла адалган республикан гимназияныҥ командалары турушкан.
Башка-башка номинациялар аайынча ӧткӧн конкурста јеҥӱчилдердиҥ тоозына Марина Белякова (Чолушманныҥ школы), Алина Кекенова ла Айланай Аныева (республикан гимназия), Айлана Таркрашева (Беш-²зӧктиҥ школы), Любовь Кыпчакова (Чолушманныҥ школы), Виктория Вдовина (Майма), Валерия Токпокова (Беш-²зӧк), Марина Мадышева (Чолушман) кирген деп, Алтай Республиканыҥ ӱредӱ ле билим аайынча министерствозыныҥ пресс-службазы јетирет.