Кӧрӱде — Чуйдыҥ јолы

15.09.2017

Кече А. В. Анохинниҥ адыла адалган эл музейде Чуйдыҥ јолына государстволык учур бергенинеҥ ала 95 јылдыгына учурлай ээчиде база бир солун кӧрӱ ачылды.

Алтай Республиканыҥ эл-јоны Моҥол ло Арасей ороондорды колбоп турган туулык бу јол телекейде эҥ јараш јолдордыҥ тоозына кирип јат деп јакшы билер. Чуйдыҥ јолыла таҥынаҥ бойлорыныҥ кӧлӱктериле јорыктап турган туристтердиҥ тоозы јылдаҥ јылга кӧптӧйт. Jербойыныҥ јаҥдары дезе јолды чыныктап јазаарына јаан ајару эдет. Оны Туулу Алтайга келген айылчылар кыйалтазы јогынаҥ темдектейт. Музейде тургузылган кӧрӱле соныркаган улус ого келип, јолдыҥ элбек кемдӱ македиле, архив документтерле, фотојуруктарла таныжар аргалу. Кӧрӱ федерал јолдордыҥ «Алтай» деген башкартузыныҥ, јолдордыҥ федерал агентствозыныҥ ла Алтай Республиканыҥ Башкарузыныҥ јӧмӧлтӧзиле ӧткӱрилет.

П. Кабар
(Элбеде бичимел келер номерлердиҥ бирӱзинде јарлалар)

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина