Туулу Алтайда—«Кросс нации»

19.09.2017

Jӱгӱрериниҥ «Кросс нации» деп адалган Текшироссиялык кӱни сыгын айдыҥ 16-чы кӱнинде Майма јуртта ӧтти.

Быјыл бу јӱгӱриште каладаҥ ла аймактардаҥ 1,5 муҥ улус турушкан. Оныҥ туружаачыларын АР-дыҥ Башчызыныҥ молјуларын удурумга бӱдӱреечи Наталья Екеева уткыган. Оныҥ айтканыла, бӱгӱн текши ороон ичинде 1,5 миллионноҥ кӧп улус бу керекте туружар, байрам Россияныҥ 84 тергеезинде ӧдӧри темдектелген.
«Кросс нации»—профессионал спортчылар да, тегин де улус ортодо текши јарлу. Бу байрам бистиҥ бастырабысты бириктирет. Спорт јеҥӱге јӱткӱмелге, ичкери кӧрӱмге, чындык кылык-јаҥду болорына таскадат ла ӧмӧлик кӱӱн-санаа тӧзӧйт деп, Наталья Екеева айткан. Бистиҥ республика россиялык ла телекейлик кеминде профессионалдарыла јарлу деген. Республикан башкару јербойында спорттыҥ јаҥы объекттерин тӧзӧӧри јанынаҥ чокым ууламјылу иштейт. Бу неделеде АР-дыҥ спортивный акробатика аайынча тӧс јериниҥ ачылтазы ӧдӧр. Республиканыҥ кажы ла школында спортзалдар ла площадкалар тӧзӧлӧт лӧ јепселет. Наталья Екеева спорттыҥ байрамына келген бастыра улуска быйан айткан—Майма, Шабалин ле Оҥдой аймактардыҥ, каланыҥ улузына. Оныҥ темдектегениле, бу јӱгӱриште турушканы кижи бойын јеҥип чыкканына бодолду, анайда ок ол маргаандардыҥ туружаачыларына једимдер кӱӱнзеди.
Байрамныҥ туружаачыларын Эл Курултайдыҥ депутады Вячеслав Уханов база уткыган.
Маргаандардыҥ јеҥӱчилдери РФ-тыҥ Минспортыныҥ ла АР-дыҥ јашӧскӱримниҥ политиказы, физический культура ла спорт аайынча комитединиҥ грамоталарыла, медальдарыла, кереес сыйларыла кайралдаткан. Анайда ок «Jажы эҥ јаан туружаачы» ла «Эҥ јиит туружаачы» деген номинациялар аайынча аҥылу сыйлар болгон.
АР-дыҥ Башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина