З. Казакпаев—комитеттиҥ јааны

21.09.2017

Алтай Республиканыҥ Башчызы, Башкарузыныҥ Председатели А. Бердников бу јуукта јарлыкка кол салды.

Ондо айдылганыла, Алтай Республиканыҥ физкультура ла спорт аайынча комитединиҥ јаанына Заури Казакпаев јӧптӧлгӧн. Бу јамыда мынаҥ озо С. Грушин иштеген, ол бойыныҥ кӱӱниле отставкага барган деп, АР-дыҥ Башкарузыныҥ пресс-службазы јетирет.
З. Казакпаев 1972 јылда Экинур јуртта чыккан, физкультураныҥ Омсктогы институдын божоткон, Кан-Оозы ла Майма аймактарда тазыктыраачы-преподаватель болуп иштеген.
2017 јылдыҥ јаан изӱ айынаҥ бери балдардыҥ ла јииттердиҥ А. Ялбаковтыҥ адыла адалган атла јарыжары аайынча школыныҥ директоры болгон.