Арбынду продукция садылды

25.09.2017

Горно-Алтайсктыҥ тӧс тепсеҥинде сыгын айдыҥ 23-чи кӱнинде јурт ээлемниҥ продукциязын садатан јарымка ӧтти. Оныҥ амадузы—Алтай Республиканыҥ товарлар эдеечилерин јӧмӧӧри, јурт ээлемниҥ продукциязын садарына јарамыкту айалга тӧзӧӧри ле аш-курсактыҥ баалары аайлу-башту болорын јеткилдеери.

Ондый јетирӱни АР-диҥ јурт ээлем аайынча министерствозыныҥ пресс-службазы этти. Jарымкада јурт ээлемниҥ тӧртӧннӧҥ ажыра ээлеми, анайда ок сувенирлер эдеечи ле аш-курсак белетеечи предприятиелер, Алтай крайдыҥ, Новосибирский ле Кемеровский областьтардыҥ предприятиелери туруштылар. Бу јарымкада эт ле эттеҥ эдилген аш-курсак, јарымдай фабрикаттар, балык, сыр, сарју, мӧт, маала ажы ла аламалар ла ӧскӧ дӧ товарлар садылды.
Албатыныҥ курсак-тамагы: талкан, анайда ок сӱттеҥ эдилген продукция (каймак, творог, сыр) јаан суруда болды. Jербойыныҥ сырьезынаҥ аш-курсак эдип-чыгарары јанынаҥ Шабалин, Оҥдой, Майма, Чой аймактардыҥ аргачылары аҥыланган.
Койдыҥ тӱгинеҥ ле ноокыдаҥ эткен эдим-тудумдарды саткан аргачылар база кӧп.
Jарымкада канча-канча миллион салковойдыҥ продукциязы садылды, ол тоодо чочконыҥ, уйдыҥ, койдыҥ, јылкыныҥ, аҥныҥ, эчкиниҥ эди.
Горно-Алтайсктыҥ администрациязыныҥ баштаҥкайыла пенсиядагы улустыҥ садып алган не-немелерин айлына акчазын тӧлӧбӧзинеҥ јетиргендер.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина