Озогы заставада музей болор

16.10.2017

Улаган аймакта Jазулуныҥ јанында погранзастава ӧткӧн чактыҥ 30-чы јылдарында тӧзӧлгӧн. Ол тушта Тыва Советский Союзка кирбеген эмей.

Эмди бу заставада музей ачары керегинде јӧп јарадылды, аймактыҥ администрациязыныҥ ла Россияныҥ ФСБ-зыныҥ Алтай Республика аайынча погранбашкартузыныҥ чыгартулу улузы бу јуукта ого барып јӱрдилер.
Мында—казармалар, офицерлердиҥ туразы, база аттар туратан чеден-кажаан. Туралардыҥ бирӱзине кирип барзаҥ, кӧзиҥниҥ алдында: озогы камин, эски рациялар, ӧйгӧ саргарган открыткалар, ээр-ӱйген, пограничниктер тудунган-кабынган не-немелер.
Бу экспонаттар бӱгӱнге јетире чеберлелгенинде погранслужбаныҥ ветераны Сергей Шевченконыҥ ӱлӱӱзи јаан. Ол азыйда гран-кыйуны корыган болзо, эмди—айландыра турган ар-бӱткенди, заповедниктиҥ јерин.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина