Талкан-сарју, эт-картошко…

17.10.2017

Горно-Алтайсктыҥ тӧс тепсеҥинде ӱлӱрген айдыҥ 14-чи кӱнинде јарымка ӧтти. Оныҥ амадузы—Алтай Республиканыҥ товарлар эдеечилерин јӧмӧӧр, јурт ээлемниҥ продукциязын садарына јарамыкту айалга тӧзӧӧр лӧ аш-курсактыҥ баалары аайлу-башту болорын јеткилдеери.

Ондый јетирӱни АР-диҥ экономикалык ӧзӱм ле туризм аайынча министерствозыныҥ пресс-службазы этти. Jарымкада текши тооло 100-теҥ кӧп предприятие, ол тоодо јурттардыҥ аргачылары, сувенирлер эдеечилер, изӱ курсак белетеечилер турушты. Алтай крайдыҥ, Новосибирский ле Кемеровский областьтардыҥ садыжаачылары база болды.
Jарымкада эт ле эттеҥ эдилген аш-курсак, јарымдай фабрикаттар, балык, сыр, сарју, мӧт, маала ажы ла аламалар ла ӧскӧ дӧ товарлар садылды.
Алтай албатыныҥ курсак-тамагы: талкан, казы-јӧргӧм, анайда ок сӱттеҥ эдилген продукция (каймак, творог, сыр) јаан суруда болды. Алтай Республиканыҥ Башкарузыныҥ пресс-службазыныҥ јетиргениле, сӱттеҥ аш-курсак эдип чыгарары јанынаҥ Шабалин, Майма, Оҥдой аймактыҥ таҥынаҥ аргачы садыжаачылары аҥыланды.
Кыш алдында койдыҥ тӱгинеҥ ле ноокыдаҥ эткен эдим-тудумдарды улус кӱӱнзеп алдылар.
Jарымкада текши тооло он миллион салковойдоҥ кӧп акчаныҥ продукциязы садылды, ол тоодо: койдыҥ, јылкыныҥ, уйдыҥ, чочконыҥ, аҥныҥ, эчкиниҥ эди.
Пенсиядагы улустыҥ садып алган не-немелерин айлына Горно-Алтайсктыҥ администрациязыныҥ, анайда ок бир кезек аргачылардыҥ баштаҥкайыла акчазы тӧлӧбӧзинеҥ јетиргендер.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина