Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Бюджетке эдилетен кубулталар кӧрӱлген

27.10.2017

Алтай Республиканыҥ Башчызы, Башкарузыныҥ Председатели Александр Бердников тергеениҥ Башкарузыныҥ ээчиде јуунын ӧткӱрген.
Jуунда кӧрӱлген тӧс сурактардыҥ бирӱзи тергеениҥ 2017 јылга бюджедине кубулталар кийдирери керегинде болгон. Бюджетке кийдирер деп темдектелген кубулталар керегинде јетирӱни АР-дыҥ Башкарузыныҥ Председателиниҥ ордынчызы, акча-манат аайынча министр Ольга Завьялова эткен. Оныҥ јартаганыла, кирелтелердиҥ текши кемин 290,052 миллион салковойго кубултып јатканы федерал бюджеттеҥ 2017 јылда келетен ле келип турган бюджетный ассигнованиелердиҥ кеми кубулганыла колбулу.

«240 миллион салковой Турачактыҥ школыныҥ туразын тударына ууландырылган, Горно-Алтайск каланыҥ инженерный корулажына—40 миллион салковой, анайда ок федерал болуштыҥ акча-манадыныҥ чодыла, кезик бӧлӱк граждандардыҥ ЖКУ учун тӧлӧйтӧн тӧлӧмирине ассигнованиелердиҥ кеми 10 миллион салковойго кӧптӧдилген»—деп, Ольга Завьялова айткан.
Анайда ок тура-коммунальный ээлемниҥ реформазына јӧмӧлтӧ эдер фондтыҥ акча-манадынаҥ улусты эски туралардаҥ јаҥыларына кӧчӱрерине ӱзеери 5,655 миллион салковой кӧчӱрилер.
Бюджетти бӱдӱрериниҥ уч-турулталарыла, бюджеттиҥ кезик акчазы Россияныҥ Президентиниҥ Jарлыктары аайынча молјуларды бӱдӱрерине келиштирте јаҥыдаҥ ууландырылар, ол тоодо Турачактагы школдыҥ туразын тударыныҥ софинансированиезине, ишјалдыҥ кемин МРОТ-тыҥ кемине јетирерине, муниципал тӧзӧлмӧлӧр аайынча тӱжӱп турган кирелтелерге, улусты эски туралардаҥ кӧчӱрер иштиҥ софинансированиезине, «Горно-Алтайск-Артыбаш» деген јолды федерал кеминде кичеемелге кӧчӱрериле колбой, јолдордыҥ межеваниезин ӧткӱрерине ле ӧскӧ дӧ иш-керектерге.
«Мынайып, бюджеттиҥ тӧс характеристикалары мындый болуп калган: кирелтелер—16 миллиард 2 миллион салковой, чыгымдар—16 миллиард 898 миллион салковой акча. Бюджеттиҥ дефицидиниҥ кеми ол ло бойынча арткан»—деп, вице-премьер айткан.
«Бюджет јанынаҥ иш ӧткӱрилген. Акча-манат эҥ ле учурлу керектерге ууландырылып турганын кӧрӱп јадыс. Темдектезе, Турачактыҥ школын тударына. Бу школдыҥ туразы озолондыра пландалганына кӧрӧ, тузаланарына јарым јыл озо белен болор. Анайда ок акча улусты эмдерле, јаҥы тураларла јеткилдеерине ууландырылат. Бу бастыразы Президент Владимир Владимирович Путинниҥ таҥынаҥ јӧмӧлтӧзиниҥ шылтузында бӱдет»—деп, Александр Бердников айткан.
Бюджетке эдер деген кубулталарды министрлердиҥ кабинеди јӧмӧгӧн лӧ олор Алтай Республиканыҥ Эл Курултайыныҥ ээчиде сессиязына кӧрӱлерине аткарылар.
«Тургуза ӧйдӧ бис 2018 јылдыҥ ла 2019-2020 јылдарга темдектелген ӧйдиҥ бюджедин кӧрӱп, баштапкы кычырышка белетеп јадыс. Бюджет јеҥил эмес, је социально-ориентированный болор. Бис чыгымдардыҥ кемин астадарыс, эҥ ле керектӱзин артырып. Бир де кижи социальный јеҥилтелер ле быжулаштар аайынча салковой до акчазын јылыйтпас учурлу. Ӧскӱс балдарга, кирелтелериниҥ кеми кирелӱ ле болуш керексип турган улуска ӱзеери акча чыгарылар»—деп, Александр Бердников темдектеген.

АР-дыҥ Башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина