Бӱгӱн — телекӧрӱлтениҥ Телекейлик кӱни

21.11.2017

Бӱгӱн бастыра јерде телекӧрӱлтениҥ Телекейлик кӱни темдектелет. Бу байрамды ӧткӱрери керегинде јӧпти ООН-ныҥ Генеральный Ассамблеязы 1996 јылдыҥ јаҥар айында јараткан.

Шак бу ӧйдӧ ООН-до телекӧрӱлтениҥ ишчилериниҥ баштапкы телекейлик конференция-јууны ӧткӧн. Байрам бу элбек кемдӱ конференция-јуунныҥ тузалу ижиниҥ шылтузында окылу јӧптӧлгӧн деп айдар керек. Анайып, телекӧрӱлте элбек јетирӱлер эдер электрон СМИ-лер ортодо ийделӱ, бийик ӧзӱмдӱ ле ӧйлӧ кожо теҥ алтап турган эп-аргалардыҥ бирӱзи деп јарлалган.
Алтай Республиканыҥ телерадиокомпаниязы Россияныҥ эҥ јаан деген медиа-корпорациязыныҥ — ВГТРК-ныҥ аҥылу филиал-бӧлӱктериниҥ тоозына крип јат. Бӱгӱнги кӱнде «Эл Алтай» ГТРК берилтелерин «Россия 1» канал ажыра кӧргӱзет. Эфирге чыгып турган берилтелердиҥ јыл туркунына текши кеми 526 часка једет. Jетирӱлердиҥ службазыныҥ программалары неделениҥ иштеер кӱндеринде алтай ла орус тилдерле тогус катап чыгат. Амыраар кӱндерде дезе јетирӱлердиҥ программалары эки тилле чыгып јат. Амыраар кӱнде телекӧрӧӧчилер анайда ок «Эл Алтай – Jетирӱлер. Неделениҥ Солундары» деп программаны кӧрӧт.
Башка-башка ууламјыларлу берилтелер јербойыныҥ телекӧрӱлтезинде орус ла алтай тилдерле четверг ле суббот кӱндерде чыгат. «Эл Алтай» ГТРК јетирӱлердиҥ программаларынаҥ ла берилтелердеҥ ӧскӧ физкультурага, спортко, су-кадыкка учурлалган солун ла јилбилӱ ӱлекер-проекттерди белетеп база ӧткӱрет. Кӧрӧӧчилерге анчада ла «Веселые старты», «Фактор-высота», «Н2О, Веселая вода», «Снежная вершина» деген ӱлекер-проекттер тыҥ јараган.

П. Кабар

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина