Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Jаҥыртылган спортзал ачылды

21.11.2017

Алтай Республиканыҥ Башчызы Александр Бердников кӱчӱрген айдыҥ 17-чи кӱнинде Боочы јурттагы 76 бала ӱренип турган школдыҥ капитальный ремонт ӧткӱрилген спортзалыныҥ кӧдӱриҥилӱ ачылтазында турушты. Бу јуртта текши тооло 300 кижи јуртайт.

Ремонтко акча-манатты тергее «Ӱредӱликтиҥ ӧзӱми» деп федерал программа аайынча алган. Бу программаныҥ амадузы јурт школдордо физический культурала, спортло тазыктырынар айалгалар тӧзӧӧри болуп јат. Быјыл текши тооло бу керекке республикага 18 млн. салковойдоҥ кӧп акча-манат келген, республикан бюджеттеҥ ого 1,7 млн. салковой кожулта акча чыгарылган. Боочы јурттагы спортзалды ремонтоорына 2 млн. салковойдоҥ кӧп акча-манат чыгымдалган.
«Алтай Республикада спортзалдар тудары ла јаҥыртары экинчи јыл эрчимдӱ ӧдӱп туру. Былтыр бис школдордо—17 спортзал, быјыл планла 13 спортзал ремонтодыс, келер јылда 20 спортзал ремонтоорыс. Акча-манат јаҥыс ла федерал бюджеттиҥ эмес, бис софинансированиеге база кожулта акча-манат чыгарып турубыс. Спортзал јӱк школдыҥ ӱренчиктерине керектӱ эмес, онойдо ок јурттыҥ эл-јонына база керектӱ деп бодойдым»,—деп, Александр Бердников айтты.
Школдыҥ директоры Сынару Ямпунованыҥ айтканыла, спортзалда кӧзнӧктӧр—пластиковыйына, полдор солылган, јунунар кыптар, туалеттер тудулган. Школдыҥ туразы 1995 јылда иштеп баштаган, оныҥ кийнинде капитальный ремонт мында эдилбеген болгон. «Спортзалдыҥ айалгазы коомой болгон, полдоры тежиктерлӱ, кӧзнӧктӧри эскирген. Эмди элбек ле јараш спортзалду болдыс. Балдарга мында тазыктырынарга да јакшы болор»—деп, директор айдат.
Оҥдой аймактыҥ јааны Мирон Бабаевтыҥ јетиргениле, аймактагы текши ӱредӱлӱ он школдыҥ сегизинде капитальный ремонт эдилген эмезе јаҥыртылу иштер ӧткӧн. Балдардыҥ алты садиги тудулган, ол тоодо бирӱзи Туйактуда—акча-манат Россияныҥ Президентиниҥ резервтӱ фондынаҥ чыгарылган. Онойдо ок федерал акча-манатла Оҥдойдогы школ ремонтолгон, спортзал тудулган. Муниципал тӧзӧлмӧниҥ башкараачызы ороонныҥ ла республиканыҥ башкаруларына аймакта эдилген јакшынак кубулталар учун аҥылу быйанын айтты.
«Россия Федерацияда јурттардыҥ тоозы јӱстер муҥдар да болзо, Боочыдый оогош јурттар ундылбайт, олордыҥ эл-јоны јарамыкту айалгада јадар учурлу»,—деп, республиканыҥ башчызы чокымдады.
Тергеениҥ башкараачызы онойдо ок школдыҥ интернадында болуп, ондо балдардыҥ јадын-јӱрӱмиле танышты, балдарла куучындашты.
Ачылтада кайралдар ла сыйлар база болды. Боочыдагы орто ӱредӱлӱ школдо физкультураныҥ ӱредӱчизи Артур Бобоков педагог ижиндеги једимдери, јиит ӱйени ӱредеринде ле таскадарында јайаандык кӧрӱми ле ак-чек ижи учун АР-дыҥ Башчызыныҥ, АР-дыҥ Башкарузыныҥ Председателиниҥ Быйанду самаразыла кайралдатты.
Оҥдой аймакта «Вектор» ООО-ныҥ прорабы Рамир Тундиновко профессионал ижинде једимдери, республиканыҥ строительствозын ӧскӱрерине јӧмӧлтӧзи ле Боочыдагы школдыҥ спортзалын ишке табыштырарыла колбой, АР-дыҥ Башчызыныҥ, АР-дыҥ Башкарузыныҥ Председателиниҥ Быйанду самаразы табыштырылды.
8-чи класстыҥ ӱренчиги Jылдыс Бордомоловага ла 11-чи класстыҥ ӱренчиги Эзен Чарагановко школдыҥ јӱрӱминде эрчимдӱ туружып тургандары ла спорттогы бийик једимдери учун планшеттер сыйлалды. Онойдо ок школдыҥ спортзалына керектӱ јепселдердиҥ ле инвентарьдыҥ комплеги сыйлалды.

Шашыкманда спортзал тудулат
Алтай Республиканыҥ Башчызы Александр Бердников Оҥдой аймакла ишмекчи јол-јорыгында Шашыкмандагы школдо болды, ондогы тудулып јаткан спортзалды кӧрди.
«2006 јылдыҥ чаган айында мен Алтай Республиканыҥ Башчызыныҥ ижин баштап турарымда, баштапкы јол-јорыгым Оҥдой аймакка јетире болгон. Шашыкман јурттыҥ школына киреле, кайкагам—соок, чыкту, стенелери боктыган, полдоры чириген, јылу туалет јок. Бис мынаҥ баштаганыс—школдо капитальный ремонт ӧткӱргенис. Акча-манатты Россияныҥ Президентиниҥ резервтӱ фондынаҥ чыгаргандар»,—деп, тергеениҥ башчызы эске алынды.
«Jарым айдаҥ ла бис Шашыкманда бӱгӱнги кӱнниҥ некелтелерине турар, јакшынак јепселдерле јеткилделген јаҥы спортзалды тударын тӱгезерис. Республикада быјыл текши тооло 13 спортзалды ишке табыштырарыс»,—деп, Александр Бердников айтты.
«Элбек, бӱгӱнги кӱнниҥ спортзалын тутканы бистиҥ школго до, текши јурттыҥ эл-јонына да јаан учурлу, керектӱ болуп јат. Бисте мындый объект качан да болбогон. Бистиҥ балдар спорттыҥ башка-башка бӱдӱмдериле тазыктырынып турулар. Jайгыда олор гандболло ӧткӧн маргаандарда јеҥӱчилдер болгон. Олор аймактыҥ јуунты командазына кирет. Онойдо ок ӱренчиктер футболло, кӱрешле эрчимдӱ тазыктырынат»,—деп, школдыҥ директоры Мира Бурулова куучындады.
Спортзалды тударына 6,2 млн. салковой чыгарылган, олордыҥ 5,7 млн. салковойы федерал бюджеттеҥ, республикан бюджеттеҥ кожулта акчаныҥ кеми—505 муҥ салковой.
Подрядчик, «Перспектива» ООО, спортзалды тудар иштерди учына чыгарып клееди, иштердиҥ 95 проценти бӱдӱп калган, јӱк ичи-тыштын јарандырар иштер арткан. «Jаҥар айдыҥ 1-кы кӱнинде объектти табыштырарына јетире ишти божодорго пландайдыс»,—деп, «Перспектива» ООО-ныҥ генеральный директоры Айдар Тужалов бӱдӱмјиледи.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина