Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Јаҥыртылган корпус

24.11.2017

Кӱчӱрген айдыҥ 22-чи кӱнинде Горно-Алтайскта коррекционный школ-интернаттыҥ спальный корпузыныҥ кӧдӱриҥилӱ ачылтазы ӧткӧн.

Капитальный јазал иштердиҥ кийнинеҥ табыштырылып јаткан корпустыҥ ачылтазында Алтай Республиканыҥ Башчызы Александр Бердников, АР-дыҥ Башкарузыныҥ Председателиниҥ ордынчызы Михаил Маргачев, АР-дыҥ ӱредӱ ле билим аайынча министри Алексей Бондаренко АР-дыҥ Государственный Јууны – Эл-Курултайдыҥ социальный корулаш ла эл-јонныҥ су-кадыгын корыыры аайынча комитединиҥ председатели Наталья Никитенко, школдыҥ ӱренеечилери, ӱредӱчилери, таскадаачылары ла ада-энелер турушкан.
«Интернаттыҥ спальный корпузына капитальный јазал иштер канча јылдардыҥ туркунына эдилбеген болгон. Оныҥ да учун мындагы канализация, јылыдар система, ашкананыҥ јазалдары бастыразы ла эскирген. Быјыл спальный корпуста јазал иштер ӧткӱрерине 60 миллион салковойдоҥ ажыра акча чыгарылган. Кыска ӧйдиҥ туркунына, чокумдап айтса, беш ле айга, бастыра иштерди бӱдӱрип салганыс» — деп, Александр Бердников темдектеген.
Республиканыҥ Башчызыныҥ айтканыла, чыҥдый ӱредӱ аларына керектӱ айалгалар тӧзӧйтӧни Российский Федерацияныҥ башкартузыныҥ ӧткӱрип турган ижиниҥ тӧс ууламјыларыныҥ бирӱзи болуп јат.
«Россияныҥ Президенти Владимир Владимирович Путин су-кадыгыныҥ аргазы кирелӱ балдардыҥ јӱрӱминиҥ ле олорды ӱредериниҥ айалгалары тегин балдардыйыла теҥ-тай болзын деп јаан ајару эдет. Мындый јӱрӱмдик айалгада болуп калганында бу балдар бойлоры бурулу эмес. Оныҥ да учун бис олорго аҥылу ајарулу јерлер тӧзӧӧр учурлу» — деп, Александр Бердников айткан.
Эл-Курултайдыҥ социальный корулаш ла эл-јонныҥ су-кадыгын корыыры аайынча комитединиҥ председатели Наталья Никитенко республикан бюджеттиҥ социальный ууламјылу болгонын айдып, АР-дыҥ Башкарузыныҥ ла Парламентиниҥ ӧмӧ-јӧмӧ ижиниҥ шылтузында социальный объекттер тудары, јазал иштер ӧткӱреери мынаҥ да ары улаларн темдектеген.
Кӧдӱриҥилӱ айалгада Алтай Республиканыҥ государственный кайралдары табыштырылган. Анайып, Алтай Республиканыҥ Кӱндӱлӱ грамотазыла коррекционный школ-интернаттыҥ директорыныҥ таскаду иш аайынча ордынчызы Алена Евсеева, АР-дыҥ Башчызыныҥ, АР-дыҥ Башкарузыныҥ Председателиниҥ Быйанду самаразыла коррекционный школ-интернаттыҥ директорыныҥ ордынчызы Анна Кобелева, таскадаачылар Вера Епихина, Ольга Булгакова ла Наталья Шмакова, шеф-казан азаачы Валентина Торшина, карулчык Игорь Тозыяков кайралдаткан.
Јакшы ӱредӱзи ле школдыҥ јӱрӱминде эрчимдӱ туружып турганы учун Айсулу Тюлентинага ла Виталий Тонкихке планшеттер табыштырылган. Коррекционный школ-интернатка анайда ок интерактивный доско ло ойынчыктар сыйлалган.
Алтай Республиканыҥ Эл Курултайыныҥ Кӱндӱлӱ грамотазыла Екатерина Ермакова, Ольга Рыспаева, Чейне Чендыева кайралдаткандар.
«Горнострой» ООО-ныҥ чыгартулу кижизи школдыҥ директорына кееркедилген тӱлкӱрди табыштырып, јазал иштерди бӱдӱрген ӧмӧлигиниҥ адынаҥ ӱч телевизор сыйлаган.
Ада–энелердиҥ адынаҥ Татьяна Якушева республикан Башкаруга, Эл Курултайга, јазал иштерди ӧткӱрген ӧмӧликке быйанын айткан.
Кӧдӱриҥилӱ айалгада лента кезилген кийнинеҥ, бастыра улус јазалган корпустыҥ ичине кирген. Капитальный јазал иштер ӧйинде пищеблок јаҥыртылган, тиш эмдеер кыпту, эки изоляторлу, прививка эдетен кыпту ла врачтыҥ кыбынаҥ турган медицинский пункт јазалган. Школдыҥ јанында спортивный площадка тургузылган. Эмди мында футбол, волейбол, баскетбол ойноор, ГТО табыштыратан јерлер бастыразы бар.
Былтыр бу ок коррекционный школ-интернаттыҥ ӱредӱ ӧткӱрер корпузында јазал иштерге 28 миллион салковой акча чыгарылган эди. Эмди анда балдарды ӱредерине керектӱ бастыра айалгалар тӧзӧлгӧн болуп јат.
Тургуза ӧйдӧ коррекционный школ-интернатта 205 бала ӱренет. Олордоҥ 92 бала јаантайын интернатта јадып ӱренет.
Бу ӱредӱлӱ заведениеде балдар кӧктӧнӧрине, штукатурно-малярный, столярный ишке, чечек ле агаш отургызарына ӱренет. Школды ӱренип божоткондор ӱредӱзин орто профессионал ӱредӱниҥ учреждениелеринде улалтып, ишмекчи профессиялар алат.

К. Яшев

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина