Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Евгений Бутушев—јеҥӱчил

04.12.2017

«Алтайдыҥ Чолмоны» газеттиҥ фотокорреспонденти, Г. И. Чорос-Гуркинниҥ адыла адалган јондык сыйдыҥ 2008 јылдагы лауреады, ады-јолы јарлу фотосогоочы Евгений Бутушевтиҥ иштери база бир кӧрӱ-конкурста аҥыланып, орооныс кеминде темдектелди. Ол Россияныҥ калыктарыныҥ культуразыныҥ Москвадагы тӧс јери јарлаган «Россияныҥ калыктарыныҥ байрамдары—албатылык колорит» деп текшироссиялык фотокӧрӱ-конкурста једимдӱ турушты.

Россияныҥ калыктарыныҥ культуразыныҥ Москвадагы тӧс јериниҥ јетиргениле, текши тооло бу фотоконкурска 1500-теҥ ажыра иштер келген. Финалга Россияныҥ 45 тергеезиниҥ фотосогоочыларыныҥ 60 јуругы ӧткӧн лӧ 16 јеҥӱчил јарталган.
Камыстыҥ јӧптӧгӧниле, баштапкы јер Алтайыстаҥ Евгений Бутушевке, Воронежтеҥ Михаил Квасовко, Иркутсктаҥ Алина Поповага, Москванаҥ Марина Львовага ла Улан-Удэнеҥ Лариса Шаракшиновага берилген.
Бистиҥ јерлежис јеҥӱни «”Ойойым” ӧмӧлик Эл Ойын байрамда» деп фотојуругы учун алган. Ого ӱзеери финалга ӧткӧн 60 јуруктыҥ тоозына Алтай Республиканаҥ Алтынай Исакованыҥ эки, Айару Тохтонованыҥ ла Виталий Тонгуровтыҥ бирдеҥ иштери кирген.
Фотоконкурстыҥ финалга ӧткӧн иштери аайынча кӧрӱ-выставка кӱчӱрген айдыҥ 30-чы кӱнинде Москвадагы Албатылык јайаандыктыҥ В. Д. Поленовтыҥ адыла адалган государстволык турада кӧдӱриҥилӱ айалгада ачылган.
Тӧзӧмӧл кӱреениҥ темдектегениле, Москвада кӧргӱзилген тизӱ јуруктар кийнинде ороон ичиле јорыктайтан кӧрӱ болуп јазалар. Ол тушта ӧскӧ тергеелердиҥ кӧрӧӧчилери Алтай Республикада јаткан эл-јонныҥ Эл Ойын, Чага ла Jӱрӱк байрамдарыла таныжар аргалу болор.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина