Оноҥ ары улалганча

05.12.2017

Кыш једип те келзе, Майма сууныҥ јараттарын бектештирери аайынча иштер улалганча.

Эмди ондый иштер Майма сууда Ленинский кӱрдеҥ ӧрӧ ӧткӱрилет. Мынаҥ озо Улалу суула бириккенине јетире бийиги 2-3 метр таш јараттар тудулган эди.
Россия Федерацияныҥ Башкарузы Алтай Республикага эки јӱс миллион салковойдоҥ кӧп акча чыгарган, бу акча суулардыҥ јанындагы объекттерди корыйтан иштерде тузаланылат.
Текши Россияны алар болзо, гидротехнический јазалдарды быжулап чыныктаарына 46 субъектке берген акча 1418,1 млн. салковойго једип јат.
184,4 миллион салковой Горно-Алтайсктыҥ ортозыла аккан Майма сууда инженерный јазалдар тударында, 38 миллион салковой Каракокшо јуртта гидротехнический јазалды быжулап чыныктаарында ла Улалушка ла Чамал сууларды арутаарында тузаланылат.
Объекттерди суудаҥ корып алатан иштерди ӧткӱрерине ороонныҥ 19 субъегине 2620,9 млн. салковой берилген.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина