Алтайдын Чолмоны

Бӧкӧлӧрдиҥ јаан маргаанында

15.12.2017

Самбо кӱрешле 2004-2006 јылдарда чыккан уулдар ортодо Алтыгы Талдудагы јурт јеезениҥ јааны Д. Кохоевтиҥ сыйына учурлалган маргаанда кӱчӱрген айдыҥ 24-чи кӱнинде ӧтти.

Бӧкӧлӧрдиҥ маргаанында 91 кӱрешчи турушты. Олор Jолоныҥ, Кӱпчегенниҥ, Оҥдойдыҥ, Боочыныҥ, Шашыкманныҥ, Кеҥиниҥ, Караколдыҥ, Алтыгы Талдуныҥ ӱренчиктери. Jаан маргаанныҥ ачылтазында оныҥ туружаачыларын, кӧрӧӧчилерди Караколдогы, Кӱпчегендеги јурт јеезелердиҥ јаандары Ч. Тарбанаев, В. Мандаев уткыдылар. Оҥдойдогы јурт јеезениҥ јааны Э. Тепуковтыҥ аткарган сыйыла (кӱрежерде кийетен «самбовка» кеп-кийим) кӱрешчи Айдомир Кунгуров кайралдатты. Оҥдойдогы Н. В. Кулачевтиҥ адыла адалган ДЮСШ-ныҥ директоры С. Черепанов аймакта спортты эрчимдӱ јӧмӧп турган Даниил Кохоевке јаан алкыш-быйан айдып, ого Быйанду самараны кӧдӱриҥилӱ айалгада табыштырды.
Башка-башка бескелерде јеҥӱчилдер болуп чыккан кӱрешчилер:
29 кг бескеде:
1 јер—Ренат Чочкин (Jоло)
2 јер—Арунат Очередяков (Кӱпчеген)
3 јер—Аркадий Декенов (Боочы)
3 јер—Айат Течинов (Оҥдой)
32 кг. бескеде:
1 јер—Эрчим Темеев (Кӱпчеген)
2 јер—Амат Тепуков (Оҥдой)
3 јер—Кайрал Бобоков (Боочы)
3 јер—Нарын Попошев (Шашыкман)
35 кг. бескеде
1 јер—Айас Боков (Алтыгы Талду)
2 јер—Батыр Темдеков (Jоло)
3 јер—Адабас Тадыков (Jоло)
3 јер—Эрчим Едоков (Оҥдой)
38 кг. бескеде
1 јер—Эрнест Мамыев (Боочы)
2 јер—Максим Долчин (Оҥдой)
3 јер—Амыр Очередяков (Кӱпчеген)
3 јер—Анар Меджидов (Кӱпчеген)
41 кг. бескеде:
1 јер—Эмиль Санаков (Кӱпчеген)
2 јер—Леонид Аманчин (Оҥдой)
3 јер—Ренат Черноев (Оҥдой)
3 јер—Ратмир Амантаев (Оҥдой)
45 кг.
1 јер—Карам Кыбыев (Алтыгы Талду)
2 јер—Сурдаш Яилгаков (Алтыгы Талду)
3 јер—Айсур Тенгереков (Оҥдой)
3 јер—Ижен Декенов (Оҥдой)
48 кг бескеде:
1 јер—Роман Садрашев (Кеҥи)
2 јер—Ойрот Фоминных (Jоло)
3 јер—Эмиль Ыжиков (Алтыгы Талду)
3 јер—Степан Карушев (Каракол)
52 кг. бескеде:
1 јер—Эрчим Байдасов (Боочы)
2 јер—Эзен Тырышкин (Jоло)
3 јер—Станислав Аксантаев (Jоло)
3 јер—Аймерген Балин (Оҥдой)
52 кг. ӧрӧ бескеде:
1 јер—Керел Кичеков (Боочы)
2 јер—Кӱлер Аргымаков (Оҥдой)
3 јер—Айдыҥ Байзунов (Шашыкман)
3 јер—Дмитрий Ильин (Jоло).
Алтыгы Талду јуртта бойыныҥ кӱӱниле балдарды самбо кӱрешке баштап, таскадып јаткан јурт јеезениҥ депутады А. Бадановко ада-энелердиҥ адынаҥ быйанду сӧсти К. Бушулдаева айдып, учурлу сыйын јолду ээзине табыштырды.
Маргаанныҥ уч-турултазыла Эмиль Санаков эҥ артык технический эп-сӱмелери, Амат Тепуков јеҥӱге турумкайы учун кайралдаткандар. «Эҥ артык тазыктыраачы» деген кӱндӱлӱ атла Алтыгы Талду јурттаҥ тазыктыраачы Арчын Баданов адатты.
Командалар ортодо 1-кы јерге Боочыныҥ командазы (тазыктыраачызы А. Бордомолов) чыккан, 2-чи јерде—Алтыгы Талдуныҥ (тазыктыраачызы А. Баданов) командазы, 3-чи јер Кӱпчегенниҥ командазына (тазыктыраачызы А. Очередяков) келишти. Командалар кубокторло, јеҥӱчилдер медальдарла кайралдатты. Jаан маргаанды ӧткӱрерге болушкан јерлештерине—А. Пиянтиновко, К. Кыбыевке, А. Бадановко, А. Тыйдановага, Г. Бадировага эл-јон, јурт јеезениҥ башкартузы акту кӱӱнинеҥ алкыш-быйанын айдат. Jаш ӱйени су-кадык, бӧкӧ эдип таскадарында јурттыҥ улузы ӧмӧ-јӧмӧ туружып турганы јарамыкту.

К. ТӦЛӦСОВА