Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Ӧскӱстерле туштажу

15.01.2018

Алтай Республиканыҥ иш, социальный ӧзӱм ле эл-јонды ишле јеткилдеери аайынча министерствозыныҥ ишчилери ӧскӱс балдарла, ада-энезиниҥ кичеемели јок арткан балдарла туштажулар ӧткӱрет.

Jадар јерле јеткилдеери керегинде суракка учурлалган туштажуларда 178 кижи турушкан, олор—Горно-Алтайсктагы госуниверситеттиҥ, аҥылу орто ӱредӱлӱ заведениелердиҥ студенттери, школ-интернаттыҥ балдары, анайда ок УФСИН-ниҥ следственный изоляторында отурып турган эр кемине јетпеген балдар.
Специалисттер мындый туштажуларда ӧскӱс ле ада-энезиниҥ кичеемели јок арткан балдарга олорды јадатан јерле јеткилдеериле колбулу сурактар аайынча јартамалду куччындар ӧткӱрет.
Ӧскӱс ле ада-энезиниҥ кичеемели јок арткан балдарга государство Алтай Республикада 110 кватртира садып берген, быјыл дезе, 119 квартираны садып аларына акча чыгарылары темдектелет.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина