Транспорт аайынча министрле туштажу

26.01.2018

Алтай Республиканыҥ Башчызы Александр Бердников Москвада јол-јорыкла јӱреле, РФ-тыҥ транспорт аайынча министри Максим Соколовло ишмекчи туштажу ӧткӱрген.

Туштажу ӧйинде тергеениҥ транспортный инфраструктуразыла колбулу сурактары шӱӱжилип кӧрӱлген. Туштажуда федерал јол агентствоныҥ јааныныҥ ордынчызы Дмитрий Прончатов, Росавтодордыҥ финансово-экономикалык башкартузыныҥ јааныныҥ ордынчызы Дмитрий Лаптев, РФ-тыҥ Минтрансыныҥ јол ээлем аайынча государственный политика јанынаҥ департаментиниҥ директоры Игорь Костюченко, бу ок министерствоныҥ документационный јеткилдеш аайынча бӧлӱгиниҥ јааны Сергей Горбачев, Алтай Республиканыҥ Башкарузыныҥ Председателиниҥ ордынчызы, АР-дыҥ Москвадагы чыдулу чыгартулу кижизи Ирина Лозовая турушкан.
Александр Бердников ло Максим Соколов бистиҥ республиканыҥ, анчада ла Кӧксуу-Оозы аймактыҥ экономиказыныҥ ӧзӱмине јаан учурлу объектти — Тӱҥӱр ле Кујурлу јурттардыҥ јанында Кадын кечире кӱрди тударын акча-манатла оноҥ ары јеткилдеери јанынаҥ суракты шӱӱшкен. Генподрядчик болуп турган «Сибмост» компанияда акча-манат јанынаҥ уур-кӱчтер боло берерде, бу объектти тудары былтыр токтодылган. Мынаҥ улам 300 миллион салковойдоҥ кӧп акча тузаланылбаган. План аайынча болзо, бу кӱр тузаланарына 2018 јылдыҥ јаҥар айыныҥ 1-кы кӱнинде табыштырылар учурлу. Александр Бердников Максим Соколовко јетире тузаланылбаган ол акчаны республикага кӱрди јетире тударына кайра берерине болушсын деген суракла баштанган.
«Министр бистиҥ сурагысла колбулу айалганы, объекттиҥ учурын оҥдогон. Оныҥ да учун РФ-тыҥ Башкарузына ол акчаны кайра берери јанынаҥ баштанар деген јӧп јарадылган. Ол акча тергееге кайра келерине ле объект учына јетире тудуларына бӱдедим» — деп, Александр Бердников айткан.
Платово јурттыҥ јанында Кадын суу кечире кӱр тударыныҥ ӱлекерин федерал адылу программага кийдирери јанынаҥ сурак база аайлаштырылган. Бу кӱр бистиҥ тергеени ле Алтай крайды колбойт.
«Тургуза ӧйдӧ мындагы кӱр эскиргенинеҥ улам ол ажыра јаан кӧлӱктер, улус тартар автобустар ӧдӧр арга јок. Кадынныҥ ол јанында бистиҥ Подгорное јуртыс бар, кӱрле колбулу уур-кӱчтердеҥ улам андагы албаты-јонныҥ јадын-јӱрӱмине јарамыкту эмес айалга болуп калган. Бисте «Горно-Алтайск» аэропорт бар, Москвала јаантайынгы авиаколбу тӧзӧлгӧн. Jарлу Белокуриха курортко амырап келип тургандарга ого Горно-Алтайсктыҥ аэропорты ла Платоводогы кӱр ажыра једери јуук ла јарамыкту. Jе кӱр эскиргенинеҥ улам логистика бузулат, оноҥ улам аэропорт бар аргаларын иште толо тузаланып болбойт» —деп, республиканыҥ башкараачызы ӱзеери кошкон.
Оныҥ темдектегениле, тергееге јаан учурлу бу объектти тударын 2019 јылда баштаары јанынаҥ јӧп јарадылган. РФ-тыҥ Минтрансыныҥ јӧмӧлтӧзиле, Алтай Республика јурт јерлердиҥ турумкай ӧзӱминиҥ программазы аайынча јурт јерлердеги јолдорды тударына баштапкы ла катап 24 миллион салковой алганын Башчы аҥылап темдектеген.

АР-дыҥ Башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина