Настройки отображения
Настройки шрифта:
Выберите шрифт Arial Times New Roman
Интервал между буквами (Кернинг): Стандартный Средний Большой
Выбор цветовой схемы:
Алтайдын Чолмоны
Jаҥы рейс ачылган
02.02.2018
Горно-Алтайсктыҥ аэропортында јаҥы рейс ачылган, эмди самолеттор Челябинск—Горно-Алтайск—Красноярск деген маршрутла учар.
«Ямал» авиакомпанияныҥ бу маршрутла учатан CRJ 200 таҥмалу самолетторы Канадада эдилген, ого бир ле уунда 50 пассажир отурар аргалу. Челябинск—Горно-Алтайск—Красноярск деген маршрутла «темир куштар» 2 саат 20 минуттыҥ туркунына учар. Темдектезе, бӱгӱн Челябинскке темир јолло једерге эки кӱн јолдо болор керек.
Самолеттордыҥ учатан кӱндери —четверг ле воскресень. Самолет Челябинсктеҥ 8:00 саатта учып чыгар, Горно-Алтайскка 12 саат 20 минутта учып келер. Алтай Республиканыҥ тӧс калазынаҥ Красноярск јаар атанатан ӧйи 13 саат 10 минут, Красноярсктаҥ Горно-Алтайскка самолет 15 саат 20 минутта учып чыгар.
ТОП
«Баатырларыс ойгонып калды…»
(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым
Малдыҥ сӧӧк-тайагыла тудуш јаҥдар
Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир
Јаҥарыс бистиҥ Алтайга јаҥыланзын
Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина