Кереес доско тургузылган

05.02.2018

Кочкор айдыҥ 3-чи кӱнинде Горно-Алтайскта 13-чи школдо Олимпий ойындардыҥ чемпионы Евдокия Мекшилого учурлалган кереес доско ачылды. Ол бойыныҥ ӧйинде бу школдо ӱренген ле чаналу јӱгӱрерин мында баштаган.

Кӧдӱриҥилӱ бу ачылта спорттыҥ кышкы бӱдӱмдери аайынча бастырароссиялык кӱнге ле Сочидеги Олимпиаданыҥ тӧртинчи јылдыгына учурлалган.
Атту-чуулу чаначыга учурлай кереес доско ачары керегинде баштаҥкайды «Алтай Республиканыҥ олимпийский соведи» деген јондык организацияныҥ јербойындагы бӧлӱгиниҥ башкараачызы Александр Тӧлӧсов эткен деп, Алтай Республиканыҥ физкультура ла спорт аайынча комитединиҥ сайтында айдылат.
Евдокия Мекшило 1964 јылда Инсбрукта ӧткӧн Олимпиадада 3х5 км эстафетада «алтын» медальла, 10 км јарыжарында «мӧҥӱн» медальла кайралтаткан. Ол СССР-диҥ јети катап чемпионы болгон.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина