Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Jарымка — кочкор айдыҥ 10-чы кӱнинде

06.02.2018

Алтай Республиканыҥ товарлар эдеечилерин јӧмӧӧр, јурт ээлемниҥ продукциязын садарына јарамыкту айалга тӧзӧӧр лӧ аш-курсактыҥ баалары аайлу-башту болорын јеткилдеер амадула Горно-Алтайсктыҥ тӧс тепсеҥинде кочкор айдыҥ 10-чы кӱнинде јарымка ӧткӱрилер. Башталатан ӧйи — 9.00 саатта.

Ондый јетирӱни АР-дыҥ экономикалык ӧзӱм ле туризм аайынча министерствозы эдип, аргачыларды бу садуда туружарына кычырат.
Бу јарымкада эт ле эттеҥ эдилген аш-курсак, јарымдай фабрикаттар, балык, сыр, сарју, мӧт, сӱттеҥ эткен продукция, маала ажы ла аламалар, огородто иштейтен инвентарь, тередеҥ ле тӱктеҥ эткен јӱзӱн-башка эдимдер ле ӧскӧ дӧ товарлар садылар. Олордыҥ баазы рыноктогызынаҥ јабыс болор.
Алтай албатыныҥ башка-башка бӱдӱмдӱ курсак-тамагы садуда база болор.
Jарымкада Алтай Республиканыҥ муниципал тӧзӧлмӧлӧриниҥ аргачыларыла коштой чӧлдиҥ биске одоштой јаткан райондорыныҥ ла калаларыныҥ 100-теҥ ажыра аргачылары ла предпритиелери туружар.
2017 јылда мындый јарымкаларда текши тооло 105 миллион салковойдыҥ продукциязы, 2016 јылда 97 миллион салковойдыҥ продукциязы садылган, оныҥ јетен процент кирези јурт ээлемниҥ продукциязы.

ТОП

Россия Федерациязыныҥ президентиниҥ JАРЛЫГЫ

Россия Федерацияныҥ государственный кайралдарыла кайралдаары керегинде

Jурт ээлем: тоолор ло керектер

2017 јылда государствоныҥ акча-манат јанынаҥ јӧмӧлтӧзин бистиҥ тергееде 3720 ээлем алган: ол тоодо 841 КФХ, јурт ээлемниҥ 57 организациязы, јурт ээлемниҥ 38 потребкооперативи, 2784 ЛПХ.

2017 јыл: культураныҥ ундылбас элестери

Баштапкы катап ороонныҥ тӧс калазы Москвада Алтай Республиканыҥ кайчыларыныҥ учурыла, кемиле јаан ойын-концерти ӧткӧн. Ол республиканыҥ культуразыныҥ тӱӱкилик учурлу кереги деп јолду чотолот.