Алтайдын Чолмоны

10 муҥга јетирер арга болгой не?

20.02.2018

«Алтайдыҥ Чолмоны» газеттиҥ тӱӱкизин кӧрзӧбис, башка-башка јылдарда оныҥ тиражы база башка болгон. Керек дезе, бир јылдыҥ айларында да башка тиражтар болгоны кайкадат.

Темдектезе, «Кызыл Ойрот» 1938 јылдыҥ тулаан айыныҥ 5-чи кӱнинде јаҥайлыпла (латиница) кепке базылганы солун. Оныҥ тиражы 8877 болуптыр. Jаҥайлыпла бир канча номер чыккан. Оноҥ бериги газеттер ойто ло эмдиги алтай тилле чыгып кӧндӱккен.

1938 јылда кӱчӱрген айдыҥ 5-чи кӱнинде газет 2138 тиражла чыккан. 1938 јылдыҥ кочкор айыныҥ 23-чи кӱнинде газеттиҥ тиражы 3361 болгон. Бу јылда эҥ кӧп кычыраачы сыгын айдыҥ 30-чы кӱнинде болгон эмтир—3607.

1939 јылдыҥ кӱчӱрген айыныҥ 8-чи кӱнинде эҥ кӧп кычыраачы болгон—2515.
1940 јылдыҥ кӱчӱрген айыныҥ 5-чи кӱнинде газетке 2794 кижи бичиткен. «Кызыл Ойрот» газеттиҥ бу јылдыҥ тулаан айыныҥ 6-чы кӱнинде «Мал ӧскӱрериниҥ стахановский школы», кӱӱк айдыҥ 1-кы кӱнинде «Алтайдыҥ художниктериниҥ конференциязы», «Литературный страница», «Алтай тилле литература», 1941 јылдыҥ чаган айыныҥ 1-кы кӱнинде «Чана эстафетазы» ла о. ӧ. бичимелдер јарлалган.

1941 јылдыҥ чаган айыныҥ 1-кы кӱнинде газетке 2920 кижи бичиткен, 1941 јылдыҥ јаҥар айыныҥ 24-чи кӱнинде редакторы Е. Сакышев болгон газет 1900 тиражла чыккан.
«Алтайдыҥ Чолмоныныҥ» эмеш бериги ӧйдӧги башка-башка јылдарда тиражы кандый болгонын кӧрӱп ийели.

1986 јылда оныҥ тиражы 5399 болгон;
1987 јылда—5683;
1989 јылда—6740,
1992 јылда—7535;
1994 јылда—7046;
1997 јылда—4131,
2004 јылда—5163,
2010 јылда—4712,
2011 јылда—4632 болгон.

Эҥ кӧп кычыраачы 1992 јылда болгон —7535 кижи. Бу тоодоҥ кӧрзӧбис, алтай газетке бичиткендердиҥ тоозы 10 до муҥ кижиге једер аргалу деп билдирет.

Н. Бельчекова