Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Баштапкы ӱредӱчиге учурлалган

13.04.2018

«Баштапкы ӱредӱчиге учурлалган кереес» деп адалган эҥ талдама эскизный ӱлекер аайынча конкурстыҥ уч-турулталарын аҥылу камыс кӧргӧн. Камыстыҥ турчыларыныҥ тоозында Горно-Алтайск каланыҥ администрациязыныҥ ла јондыктыҥ чыгартулу улузы болгон. Шӱӱжӱге тӧрт ӱлекер чыгарылган.

Камыстыҥ јӧби аайынча скульптор Арчын Бадановтыҥ ла архитектор Валерий Кергиловтыҥ ӱлекерлери баштапкы јерге чыккан. Конкурстыҥ ээжилериле болзо, эскизный ӱлекер тӧзӧлгӧ эдип алылат, соҥында иш ого тӧзӧлгӧлӧнӧт. Конкурстыҥ јеҥӱчили камыстыҥ шӱӱлтелерин ајаруга алып, ӱлекерди учына јетирер учурлу деп, мэрияныҥ сайты јетирет.

Гипс-бетонноҥ эдилер деп темдектелген кереести Горно-Алтайскта кайда тургузары соҥында албатылык шӱӱжӱ ӧткӧн кийнинеҥ чокымдалар. Бу кереесле колбулу сурак Алтай Республиканыҥ башчызы Александр Бердников ло тергеениҥ ӱредӱчилери ортодо 2016 јылдыҥ кандык айыныҥ 20-чи кӱнинде ӧткӧн туштажуда кӧдӱрилген болгон. Мыныҥ кийнинеҥ бу кереес тургузары аайынча акча јууры башталган. Баштапкы ӱредӱчиге учурлай тургузылган кереестер бистиҥ ороондо тоолу ла.

Jаҥы кереестер јанынаҥ алза, тургуза ӧйдӧ бистиҥ республиканыҥ јеринде врачка ла ӧркӧгӧ (Ада-Тӧрӧл учун Улу јууныҥ балдарына) учурлалган эки кереес тургузылган.

А. КӦБӦКОВ

ТОП

Россия Федерациязыныҥ президентиниҥ JАРЛЫГЫ

Россия Федерацияныҥ государственный кайралдарыла кайралдаары керегинде

Jурт ээлем: тоолор ло керектер

2017 јылда государствоныҥ акча-манат јанынаҥ јӧмӧлтӧзин бистиҥ тергееде 3720 ээлем алган: ол тоодо 841 КФХ, јурт ээлемниҥ 57 организациязы, јурт ээлемниҥ 38 потребкооперативи, 2784 ЛПХ.

2017 јыл: культураныҥ ундылбас элестери

Баштапкы катап ороонныҥ тӧс калазы Москвада Алтай Республиканыҥ кайчыларыныҥ учурыла, кемиле јаан ойын-концерти ӧткӧн. Ол республиканыҥ культуразыныҥ тӱӱкилик учурлу кереги деп јолду чотолот.