Ундылбас јылдар эзелет

13.04.2018

Ада-Тӧрӧл учун Улу јууда Улу Jеҥӱниҥ учурлу кӱни 73 јыл кайра бӱткӱл совет ороондо баштапкы катап темдектелген. Jаш ӱйе ол канду ла кату јылдарды ундыбазын, јеҥӱ экелген таадаларга ла улдаларга быйанду јӱрзин деп, јуучыл-тӧрӧлчи таскамал иш бистиҥ де тергееде, текши ороондо чылап ок, элбеде ӧдӧт.

А. В. Анохинниҥ адыла адалган музейде Эземниҥ вахтазы ачылганына учурлай кандык айдыҥ 11-чи кӱнинде ӧткӧн «Салют, Jеҥӱ! Ол ыраак ла јуук Jеҥӱниҥ кӱни» деп адалган туштажуга каланыҥ школдорыныҥ ӱренчиктери ле студенттер келди. Олордыҥ алдына ветерандардыҥ республикан биригӱзиниҥ јааны Борис Кӱндӱлеевич Алушкин тӱӱкиде арткан јылдарды эзедип, бойыныҥ бала тужын эске алып куучындады. Jуу башталып турарда, ого алты јаш болгон. Оныҥ учун бала тужы сыраҥай ла ачу-коронду јылдарга келишкен. Jаш ӱйени јаан јашту ӧрӧкӧн јеҥ јастанып јыгылган јуучылдарды ундыбай, олордоҥ тем алып, Тӧрӧлине чындык улус болзын деп кычырды.

Россияныҥ ветерандарыныҥ биригӱзиниҥ тергеелик бӧлӱгиниҥ јааны С. В. Денчик уткуулду сӧзинде балдарды Туулу Алтайдыҥ тӱӱкизин шиҥдеп, јууныҥ јылдарында болгон јылыйтуларды ундыбай, база катап андый ӧйлӧр болбозы учун јӱрер керек деп айтты.

«Россияныҥ офицерлери» биригӱниҥ Алтай Республикадагы бӧлӱгиниҥ јааны В. В. Перов балдарды таадаларлу болгонын баалап, олорды тооп јӱрзин деп јакып, бойы кичинек уулчак тушта таадазы ла улдазы јууга атанып, кайра јанбаганын бастыра јӱрӱмине карамдап, карыгып јӱргенин айтты.

Ада-Тӧрӧл учун Улу јууда туружып, јеҥ јастанып јыгылгандардыҥ мӧҥкӱзин бедиреер кыймыгуныҥ Алтай Республикадагы бӧлӱгиниҥ јааны А. М. Вилисов јууныҥ јылдарында орооныстыҥ кажы ла толыгында јаткан албаты јеҥӱге јӱткигенин, фронттогы јуучылдарды јеткилдееринде арга-кӱчи јеткенче турушканын темдектеди. Бу ла кӱндерде Ленинградты айландыра јерлерде бедирештӱ иштер башталып јаткан, бистиҥ таладаҥ бир группа ол иш-керекте туружарга барып јатканын јетирди.

Музейдиҥ ишчизи, культураныҥ нерелӱ ишчизи Т. И. Полтева «Нацизмге удура бис кожо тартышканыс» деп кӧрӱле таныштырды. Мында кӧргӱзилген слайдтарда СССР-дыҥ союзный республикалары Тӧрӧлин корыырында кандый јӧмӧлтӧ-болуш јетиргениле аҥыланганы кӧргӱзилген. Ол тоодо бистиҥ де јерлештеристиҥ ады-јолы ла эткен керектери айдылды. Татьяна Ивановна ветерандарга Jеҥӱниҥ кӱнине учурлай белетеп салган уткуулду сӧстӧрлӱ открыткаларга кӱӱнзеген улусты кол саларга кычыру этти. Бу открытканы бойыла кожо алып, јаан јаштуларга да сыйлаарга јараар.

Туштажуныҥ учында 2-чи таҥмалу кӱӱлик школдыҥ 2-чи клазыныҥ ӱренеечизи Софья Кубекова «Боевые ордена» деп кожоҥын сыйлады.

М. ЯБЫКОВА

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина