Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Баштапкылардыҥ тоозында

17.04.2018

Кандык айдыҥ 12-чи кӱнинде Горно-Алтайсктыҥ государственный университединде «Единая Россия» политический партияныҥ тергеелик бӧлӱгиниҥ шӱӱлтелерле ӱлежериниҥ «Единая Россия. Ууламјы 2026» деп адалган јууны ӧткӧн.

Шӱӱлтелерле ӱлежер мындый тергеелик јуун президент Владимир Путинниҥ Федерал Jуунга эткен Баштанузын јӱрӱмде бӱдӱрери аайынча тӱп-шӱӱлтелерди јуурына, анайда ок партияны јаҥыртып јарандырарына ууламјылалган болуп јат.

Тергеелерде шӱӱлтелерле ӱлежер площадкалардыҥ ижи кандык айдыҥ учына јетире улалар. Олордыҥ турулталары кӱӱк айда ӧдӧтӧн «Единая Россия 2026» деп федерал партийный конференцияга чыгарылар. Ол керегинде партияныҥ генеральный совединиҥ качызы Андрей Турчак айткан эди.

Алтай Республика шӱӱлтелерле ӱлежер јуунды эҥ озо ӧткӱрген тергеелердиҥ тоозына кирген. Кандык айдыҥ 10-чы кӱнинде мындый ок јуундар муниципалитеттер ортодо ӧткӧн. Анда партияныҥ бастыра аймактарындагы чыгартулу улузы турушкан.

ГАГУ-да ӧткӧн јуунда алты площадка иштеген деп айдар керек. «Су-кадык ла экология», «Jонјӱрӱмдик бӧлӱк», «Каланыҥ ичин јарандырары», «Jеткил јадын-јӱрӱм», «Ӱредӱ» ле «Единая Россияны» јаҥыртары» деп адалган площадкалардыҥ туружаачылары турулталу бу јуунда тӧс тӱп-шӱӱлтелерди чокымдагандар.

Бу јуунда «Единая Россиядаҥ» депутаттар, министерстволордыҥ ла ведомстволордыҥ, јондыктыҥ ла элбек јетирӱлер эдер эп-аргалардыҥ чыгартулу улузы, бастыра аймактардыҥ делегациялары турушкан. Делегаттар «Единая Россия» политический партияныҥ мынаҥ ары ижи аайынча шӱӱлтелерин чокымдап аларга тушташкан деп айдар керек.

«Су-кадык ла экология» деп адалган площадканыҥ туружаачылары улус јурт јерлерде медициналык болушты аларын, ар-бӱткенди корыырын, экологический туризмниҥ ӧзӱмин, кату ооруларла тартыжары аайынча программаны јӱрӱмде бӱдӱрерин, Алтын Кӧлди корыыры аайынча ӱлекерди оноҥ ары бӱдӱрерин тӧс ууламјылар деп чокымдагандар.

«Jонјӱрӱмдик бӧлӱктиҥ» туружаачылары ајаруны эл-јонныҥ социальный јанынаҥ корулалбаган категорияларына јӧмӧлтӧни тыҥыдарына, кенек улуска социальный инфраструктуралардыҥ объекттерине јайым кирер аргалар тӧзӧӧрине, «Мӧҥӱн волонтерлор» кыймыгуны ӧскӱрерине эткен.

«Каланыҥ ичин јарандырары» деп адалган площадканыҥ ижинде турушкан улус Алтай Республиканыҥ тӧс калазыныҥ статузы керегинде јасак јӧптӧӧр керек деп айдышкан. Анайда ок Горно-Алтайск каланыҥ јерлериниҥ гран-кыйузын јаандадары, «Каланыҥ ичин јарандырары» деп партийный ӱлекерди мынаҥ ары бӱдӱрери шӱӱжилген.

«Ӱредӱ» деп адалган площадкада айдылганыла, бу бӧлӱктиҥ тӧс сурактары ол ӱредӱ ӧткӱрер организацияларда јеткер болдыртпазыныҥ системазын (ӧрт чыгарын болдыртпазы, санитарный, балдарды тартары, ашкарары, јайгы амыраш, школдордо медициналык јеткилдеш) тӧзӧӧри керектӱ болгоны.

«Jеткил јадын-јӱрӱм» деп площадканыҥ туружаачылары Алтай Республиканыҥ экономико-экологический ӧзӱмине керектӱ јасакберимди јаҥыртарыныҥ сурактарын, анайда ок электроэнергетический системаныҥ ӧзӱми аайынча эдетен иштерди шӱӱшкендер.

«Партияны јаҥыртары» деп адалган площадкада партийный строительствоныҥ ла партияныҥ идеологиязыныҥ ӧзӱминиҥ сурактары кӧрӱлген. Анда эрмек-куучын баштамы бӧлӱктердиҥ ижиниҥ тузазын јаандадары, партияга јашӧскӱримди јилбиркедери керегинде ӧткӧн. Оныҥ ижинде турушкан «Единая Россия» политический партияныҥ тергеелик бӧлӱгиниҥ качызы, АР-дыҥ Эл Курултайыныҥ председатели Владимир Тюлентин мынайда айткан: «Алдыста јербойыныҥ талдаштары аайынча јаан кампания. «Единая Россия» партия талдаштарга чыгарып турган кандидаттарын озолондыра ӧткӱрилип турган ӱнбериш аайынча јӧптӧп турган сок јаҥыс партия болуп јат. Озолондыра ӱнбериш текши ороон кеминде кичӱ изӱ айдыҥ 3-чи кӱнинде ӧдӧр».

Бу площадкада муниципал тӧзӧлмӧлӧрдиҥ администрацияларыныҥ јаандары, аймактардыҥ депутаттарыныҥ Советтериниҥ председательдери база турушкан. Олор муниципалитеттер ортодо ӧткӧн јуундарда айдылган шӱӱлтелер керегинде куучындаган. «Кан-Оозы аймак» муниципал тӧзӧлмӧниҥ администрациязыныҥ јааны Григорий Пильтин партияныҥ јуундарында флешмоб, модератор ло ӧскӧ ороондордыҥ тилдериниҥ оноҥ до кӧп сӧстӧри тузаланып турганына ајару эткен. Оныҥ шӱӱлтезиле, байлык орус тилдиҥ сӧстӧрин тузаланар керек.

Бу площадканыҥ туружаачыларынаҥ 131-чи таҥмалу федерал јасакты јоголтор баштану эдер керек, талдаштар ӧйинде јииттерди јилбиркедедис, је оныҥ кийнинеҥ олор ундылып калат деп айткан улус болгон.

Кажы ла площадкада айдылган шӱӱлтелер партияныҥ тӧс бӱдӱреечи комитедине аткарылар ла мынаҥ ары иштерде тузаланылар.

Jуунныҥ учкары турулталар кӧрӱлген ле партияныҥ рекордный сетевой флешмобыныҥ јеҥӱчилдери кайралдаткан. Талдаштар ӧдӧр кӱнде россияндар #УчастОК хэштэгтӱ 135 муҥнаҥ кӧп пост бичиген. Олордоҥ эки-јарым муҥын Алтай Республикада јаткан улус бичиген эмтир. Конкурстыҥ тергеелик камызы байа бичимелдердеҥ эҥ јилбилӱ 37 бичимелди талдап алган. Олор јети номинацияда јеҥӱчилдер болуп чыккан.

К. ЯШЕВ

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина