Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Jонго тузалу јетирӱлер берет

27.04.2018

Людмила Семеновна Адыкаева Улаган аймактыҥ Чибилӱ јуртында 1965 јылдыҥ кочкор айыныҥ 27-чи кӱнинде чыккан. Биледе сегис баланыҥ алтынчызы болгон. Алдындагы јылдарда ончо улус совхозтыҥ ижине бастыра ӧйин беретен. Людмила Семеновнадыҥ да энези райподо, адазы соввхозтыҥ трактористи болгон. Ол оогош класстарды Чибилӱниҥ школында ӱренип божодордо, эне-адазы оны каладагы национальный школго аткарып ийген. Оноҥ бухгалтердиҥ ӱредӱзине кирип, оны једимдӱ божоткон.

Ишмекчи јолын јиит бухгалтер 1988 јылда Улаганныҥ райпозында баштаган. 1996 јылда аймактагы иштиҥ комитеди ле эл-јонды ишле јеткилдеер тӧс јерге баш специалисттиҥ ижине келген. Оноҥ ло бери анда иштегенче.

Jолдоры биригип, 2001 јылда Людмила Семеновна Балыктујул јурттыҥ школында физкультураныҥ ӱредӱчизи болгон Алексей Игнатьевич Адыкаевле биле тӧзӧгӧн. Эмди олордо ӱч кыс. Jаан кызы Алина энези ӱренген школдо, эмдиги республикан гимназияныҥ 11-чи клазында ӱренет. Кичинек эрке кызычактары Карина ла Аделина Улаганныҥ школында ӱренип јат.

Людмила Семеновна эл-јонды ишле јеткилдеер тӧс јерде 21 јылдыҥ туркунына иштеп келди. Ол туштаган јонјӱрӱмдик сурактардыҥ аайына тӱрген-тӱкей чыгарында јасактарга баштанып, ижин билгир апарып јат. Ӧскӧ аймактардыҥ ченемелиле јилбиркеп, бойыныҥ аймагандагы айалгала тӱҥдештирет. Jӱрӱмге кирген кажы ла јаҥыртаны колдоҥ суура тутпаска албаданар ишчи. Ӱредӱ аларга келишпеген улуска Людмила Семеновна кижиниҥ кӱӱни јеткен ӱредӱге де барарга јаантайын болужат. Кайда кандый иш бар болгонын аймак ичинде јаткан, ишјоктордыҥ чодында турган улуска чокум јетирет. Бу ууламјыда ол «Россиядагы иш» деп адалган вакансиялардыҥ текшироссиялык базазына база тайанат.

Бир сӧслӧ айтса, иш-тош јанынаҥ јонго тузалу јетирӱлерди аймакта јаткандар Людмила Семеновнанаҥ алар аргалу.
Jозокту ижи учун Людмила Семеновна кӧп тоолу Кӱндӱлӱ грамоталарла, Быйанду самараларла темдектеткен. Аймактыҥ Кӱндӱлӱ досказында турган тоомјылу улустарыныҥ тоозында болгон.

М. Ябыкова

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина