Настройки отображения
Настройки шрифта:
Выберите шрифт Arial Times New Roman
Интервал между буквами (Кернинг): Стандартный Средний Большой
Выбор цветовой схемы:
Алтайдын Чолмоны
Месяц: Апрель 2018
Баштапкы ӱредӱчиге учурлалган
«Баштапкы ӱредӱчиге учурлалган кереес» деп адалган эҥ талдама эскизный ӱлекер аайынча конкурстыҥ уч-турулталарын аҥылу камыс кӧргӧн. Камыстыҥ турчыларыныҥ тоозында Горно-Алтайск каланыҥ администрациязыныҥ ла јондыктыҥ чыгартулу улузы болгон. Шӱӱжӱге тӧрт ӱлекер чыгарылган.
13 апреля 2018
Энениҥ эркезин сыйлаган…
Кан-Оозы аймактыҥ Экинур јурты албатызыла, азыраган малыла бай, иштеҥкей уулдар, кыстар чыдаган, тургун улузы кӧп, элкем-телкем јурт. Jакшы табышка сӱӱнип јадар, јаман табышка карыгып, кунуга тура берер јуртыс. Ӧткӧн тулаан айда Экинур јурттыҥ ветерандарыныҥ ӧмӧлигине, јаан јаштуларына јаан јылыйту болгон. Байрыш (Варвара) Баштыковна Саданова ак-јарыктаҥ эне-адазыныҥ ак чечектӱ алтайына јана берди.
13 апреля 2018
Ундылбас јылдар эзелет
Ада-Тӧрӧл учун Улу јууда Улу Jеҥӱниҥ учурлу кӱни 73 јыл кайра бӱткӱл совет ороондо баштапкы катап темдектелген. Jаш ӱйе ол канду ла кату јылдарды ундыбазын, јеҥӱ экелген таадаларга ла улдаларга быйанду јӱрзин деп, јуучыл-тӧрӧлчи таскамал иш бистиҥ де тергееде, текши ороондо чылап ок, элбеде ӧдӧт.
13 апреля 2018
Келер ӧйдиҥ тӱжӱмин јеткилдеерге
Тургуза ӧйдӧ аграрийлерди јаан иш сакыйт — јаскы кыра ижи. Кажы ла јыл, алдындагы јылдагызына кӧрӧ, ар-бӱткенниҥ айалгалары аайынча аҥыланат. Оныҥ да учун ай-кӱн кандый турганынаҥ бу иш канайда ӧдӧри база камаанду болот.
13 апреля 2018
Текши ишке ӱлӱзин јетирип
Шабалин аймакта «Оленевод» ООО кӧп јылдардыҥ туркунына једимдӱ иштеп келген ээлемдердиҥ бирӱзи. Тургуза ӧйдӧ мында уй-мал, аҥдар ӧскӱрилет. Нак ла иштеҥкей ӧмӧликтиҥ кажы ла кижизи оныҥ ижинеҥ текши уч-турулталар камаанду болуп турганын јакшы оҥдоп јат.
13 апреля 2018
Темдектегедий кӧргӱзӱлер бар
Кандык айдыҥ 9-чы кӱнинде республикан прокуратураныҥ јаҥы туразында пресс-конференция ӧткӧн. Анда Алтай Республиканыҥ прокуроры Николай Мылицын, оныҥ баштапкы ордынчызы Вячеслав Рехтин ле прокуратураныҥ аппарадыныҥ ишчилери турушкан.
13 апреля 2018
Госсовет: маргыштыҥ ӧзӱми
Ороонныҥ Президенти Владимир Путин президенттиҥ талдаштарыныҥ кийнинде Госсоветтиҥ баштапкы јуунын кандык айдыҥ 5-чи кӱнинде ӧткӱрген. Кремльде Мурмансктаҥ ала Сочиге, Калининградтаҥ ала Хабаровскко јетире тергеелердиҥ јаандары, профильный ведомстволордыҥ ла министерстволордыҥ башкараачылары јуулган. Бу јуунда маргыш-конкуренцияны ӧскӱрериниҥ сурагы шӱӱжилген. Jуунда В. В. Путин куучын айткан.
10 апреля 2018
Су-кадыктыҥ кӱни—Билениҥ скверинде
Алтай Республиканыҥ тӧс калазында, Билениҥ скверинде, кандык айдыҥ 7-чи кӱнинде су-кадыктыҥ кӱни ӧтти.
10 апреля 2018
Чындыкты орныктырып, ӱргӱлјиге артырар
Туулу Алтайдыҥ XX чактыҥ башталганында политикалык башчыларыныҥ бирӱзи, РКП(б)-ныҥ сегизинчи съездиниҥ делегады, облисполкомныҥ 1924 јылдаҥ ала 1930 јылга јетире председатели, «Ойротский край» газеттиҥ редакторы болгон Иван Савельевич Алагызовтыҥ чыкканынаҥ ала 130 јылдыгы кандык айдыҥ 10-чы кӱнинде толуп јат.
10 апреля 2018
Најыбыска алкыш-быйаныс јетсин
Бойыныҥ ишмекчи јолыныҥ кӧп саба ӱзӱгин бистиҥ газетте ӧткӧн тоомјылу улустыҥ бирӱзи Тамара Тимофеевна Ерленбаева (Тулаева). Оны газеттиҥ јажы јаан кычыраачылары ортодо билбес кижи јок то болбой: оныҥ албаты-јонныҥ јадын-јӱрӱмиле колбулу сурактар аайынча бичиген кӧп тоолу бичимелдери јарлу да, уч-турулталу да болгон. Ол бичимелдердеҥ бӱткӱл јуунты да белетеп, чыгарарга јараар.
10 апреля 2018
ТОП
«Баатырларыс ойгонып калды…»
(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым
Малдыҥ сӧӧк-тайагыла тудуш јаҥдар
Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир
Јаҥарыс бистиҥ Алтайга јаҥыланзын
Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина