Jакылталарды бӱдӱрерин шиҥдеп кӧргӧн

08.05.2018

АР-дыҥ башчызы Александр Бердников Улаган аймакла ишмекчи јол-јорыкла јӱреле, мынаҥ озо ӧйдӧ мында бололо, берген јакылталарды јербойында канайда бӱдӱрип турганын шиҥдеп кӧргӧн.

Улаган аймактыҥ јааны Никита Санин тергеениҥ башкараачызына эл-јонныҥ адынаҥ быйан айдып, бир де јакылта ајару јок артпаган деген.

Аймактыҥ јааныныҥ айтканыла, эл-јонныҥ кӧп тоолу курч сурактары аайлаштырылган, Александр Бердниковтыҥ јакылталарыныҥ кезигин бӱдӱрери јанынаҥ иш ӧткӧнчӧ. Темдектезе, Паспартыда школ тудары улалганча, Кара-Кујурда јурт клуб тудары башталып јат. Пограничниктердиҥ «Беркут» клубын Саратандагы школдо ачарына, ыраак ла једерге кӱч јолду Кӧӧ јурттыҥ ФАП-ына санитарный транспорт садып аларына акча чыгарылган. Чолушмандагы јурт јеезениҥ јеринде јадып турган албаты-јонныҥ керексиништерине УАЗ таҥмалу микроавтобус, Улагандагы ДЮСШ-га тренажерлор садып алылган.

Республиканыҥ су-кадыкты корыыры аайынча министерствозыныҥ јӧмӧлтӧзиле, Улаганда беш јиит специалистке арендага алар служебный тура тудары јанынаҥ сурак аайлаштырылат. Акташта сӱрее-чӧп тартар транспорт садып аларына акча чыгарылып калган, кӱӱк айдыҥ учы кирезинде ол транспорт једип келер. Чибитте Чуй суу кечире кӱрди јазаарына 1,5 миллион салковой акча чыгарылган — бу иш јуук ӧйдӧ учына једер.

Тергеениҥ бюджединеҥ Балыкчы јурттыҥ клубына кӱӱлик јазалдар садып аларына, Акташтагы кыр-металлургический комбинаттыҥ шахтерлорына учурлай кереес тударына, Кӧӧ јуртта электростанцияга ГСМ садып аларына ла јурттыҥ эл-јонына электројеткилдеш ӱзӱктелиш јогынаҥ берилерин јеткилдеерине акча чыгарылган.

Тергеениҥ башчызы былтыр куран айда мында ишмекчи јол-јорыкла јӱргениниҥ кийнинеҥ ле Чибитте «Койонок» детсадтыҥ ойын площадказына јазалдар аларына акча чыгарылган, Улагандагы ДЮСШ-ныҥ туразыныҥ јабынтызы солылган болгон. Анайда ок Чолушмандагы школдо јылу туалет тударына ла кӧзнӧктӧрди солыырына акча берилген, Балыкчы јуртта сууӧткӱш ле дамба тудары аайынча ӱлекер иштер аайлаштырылган болгон. Акташта «Солнышко» детсадтыҥ туразыныҥ јабынтызын ла канализациязыныҥ системазын јазаары јанынаҥ ӱлекер-сметный документтер белетелип калган. Эмди јылдыҥ јылу ӧйинде ӧткӱретен ле иштер арткан.

Ар-бӱткенниҥ «Кызыл каалга» деп адалган јеринде јетирӱлик јер белетелген. Специалисттердиҥ айтканыла, мында смотровой площадка тӧзӧӧри бӱгӱнги ӧйдӧ келишпейт, бу ишти јӱк ле јолды јаҥыртар тушта ӧткӱрери темдектелип калган.

«Jаан учурлу јакылта болгон — Паспартыныҥ А. Г. Калкинниҥ адыла адалган школыныҥ јаҥы туразын (коштойында детсадту) тудары јанынаҥ ӱлекер-сметный документтерди белетеери. Объекттиҥ сметный баазы 102 миллион салковой, бу акчаныҥ 60 миллионы чыгарылган. Иштер улалганча» — деп, Никита Санин айткан.

Александр Бердников ишмекчи јол-јорыкла болордо, Чибит јурттыҥ эл-јоны клубты јазаарына болушсын деген суракла баштанган болгон. Ӱлекер госэкспертизаны ӧдӧрине белен.

Акташтыҥ эски тураларда јадып турган улузын кӧчӱрери аайынча сурак јӱрӱмде бӱткӱлинче бӱткен — 10 квартира берилген (8 квартира Маймада, 2-зи — Горно-Алтайскта).

Улагандагы эмчиликтиҥ поликлинический бӧлӱгин ӧскӧ турага кӧчӱрери јанынаҥ иш ӧдӧт. Амбулаторно-поликлинический бӧлӱк аймактыҥ администрациязыныҥ иш ле јонјӱрӱмдик ӧзӱм аайынча бӧлӱгиниҥ туразына кӧчӱрилер. Республиканыҥ башкараачызы Александр Бердниковтыҥ темдектегениле, стационар ла поликлиника башка тураларда болор, анайып, кыптарга келижип турган јӱк киреленер: пациенттерге де, врачтарга да эптӱ болор.

АР-дыҥ тергеелик ӧзӱм аайынча министерствозына Jазулу јуртка барып, сууӧткӱш ӧткӱрери аайынча суракты шиҥдеп кӧрӧтӧнин тӧзӧзин деген јакылта берилген. Jер 60 метр тереҥге јетире ӧрӱмдей казылган, кӱӱк айда база эки скважина јанынаҥ иштер ӧткӱрери темдектелип калган.

Ресбюджеттиҥ акчазыла МТЗ-82 таҥмалу трактор, навесной јазалдар, кар арутайтан јазал садып алылган. Бу техника тургуза ӧйдӧ Акташта иштейт.

Кӧӧ јуртта коштойында клубту школ тудары аайынча ӱлекер-сметный документтер белетелет. Тудум иштер 2018 јылда ӧдӧри темдектелген. Анайда ок Кара-Кујурдагы школды текшилей јазаары темдектелип калган.
Тергеениҥ башчызы Александр Бердников муниципалитеттерге ӱлекер-сметный документтерди эрчимдӱ белетеер керек деген. Онызы обьекттерди акча-манатла тергеелик те, федерал да кеминде јеткилдеерин тӱргендедер арга берерин аҥылап темдектеген. Ишмекчи јол-јорык ӧйинде јаан учурлу бир канча сурактар чокымдалган. Jербойындагы јаҥныҥ угусканыла, тергеениҥ башкараачызыныҥ бастыра јакылталары ӧйинде ле толо кеминде бӱдер.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина