Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Комитеттердиҥ јуунында турушкан

15.05.2018

АР-дыҥ башчызы Александр Бердников республикан парламенттиҥ јербойында бойы башкарынары, тап-эриктер ле јонјӱрӱмдик корулаш, эл-јонды ишле јеткилдеери аайынча комитеттериниҥ ээчиде сессияныҥ алдында ӧткӧн ӧмӧ-јӧмӧ јуунында турушкан.

Jуун башталар алдында тергеениҥ башчызы парламенттиҥ јербойында бойы башкарынары, тап-эриктер аайынча комитединиҥ председатели Виктор Хабаровты чыккан кӱниле уткыган. Александр Бердниковтыҥ темдектегениле, Виктор Хабаров кайда ла иштеерде, ол тоодо МВД-да милицияныҥ участковыйларыныҥ службазын башкарып та турарда, Эл Курултайдыҥ депутады да болордо, бойыныҥ молјуларын јаантайын бийик каруулу бӱдӱрген.
«Виктор Иванович јондык ишчи болуп калган кижи. Эл Курултайдыҥ тӧс комитеттериниҥ бирӱзин кӧп јылдардыҥ туркунына башкарып келген, јарамыкту тап-эриктик политика тӧзӧӧринде туружат» — деп, тергеениҥ башчызы темдектеген.

Александр Бердников юбилярга бек су-кадык, эрчимдӱ јӱрӱмдик кӧрӱм, республикабыстыҥ ӧзӱмине камаанын јетирер иш кӱӱнзеди. АР-дыҥ башчызыныҥ јарлыгыла Виктор Хабаровко «Алтай Республиканыҥ нерелӱ юризи» деген кӱндӱлӱ ат адалган.

Юбилярга уткуулду сӧстӧрин РФ-тыҥ Федерация Совединиҥ турчызы Татьяна Гигель, Эл Курултайдыҥ председателиниҥ ордынчызы Михаил Терехов, депутаттар база айткан.

Депутаттар јуунда АР-дыҥ башкарузыныҥ председателиниҥ ордынчызыныҥ јамызына кандидатураны кӧргӧн. Александр Бердников бу јамыга јӧптӧӧрине республикан башкаруныҥ председателиниҥ молјуларын бӱдӱрип турган Роман Птицынныҥ кандидатуразын адаган.

«Роман Викторовичтиҥ профессионал кемин ле иш јанынаҥ ченемелин ајаруга алып, мындый шӱӱлте эдилген. Ол Майма аймактыҥ администрациязыныҥ јааныныҥ ордынчызы, баштапкы ордынчызы болуп иштеерде, муниципалитеттиҥ јаан учурлу јӱрӱмдик ууламјыларын башкарган. Тергеениҥ экономиканыҥ ӧзӱми ле туризм аайынча министриниҥ баштапкы ордынчызы болуп иштеген» — деп, Александр Бердников айткан.

Тергеениҥ башчызыныҥ темдектегениле, республиканыҥ бюджединиҥ 70 проценти јонјӱрӱмдик ууламјылу ла јонјӱрӱмдик корулаштыҥ сурактарын аайлаштырарына ууландырылган. Оныҥ да учун мында билгирлери тереҥ башкараачы ишчи керек деген.

Шӱӱжӱ ӧйинде депутаттар Роман Птицынныҥ кандидатуразын кӧстӧӧрин сессияга чыгарары јанынаҥ јӧп јараткан.
АР-дыҥ Эл Курултайыныҥ ээчиде сессиязы кӱӱк айдыҥ 24-чи кӱнинде ӧдӧр, анда кадровый сурак кӧрӱлер.

АР-дыҥ Эл Курултайыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина