Улус таҥынаҥ сурактарыла баштанган

15.05.2018

Алтай Республиканыҥ Эл Курултайыныҥ председатели Владимир Тюлентин бу јуукта улусла олордыҥ таҥынаҥ сурактары аайынча јаҥжыккан туштажулар ӧткӱрген.

Горно-Алтайскта јадып турган бир кижи спикерге јердиҥ јер-кадастровый учедыла колбулу суракла баштанган. Ол кижиниҥ айтканыла, 1987 јылда беш бала чыдадып турала, кеми 6 соток јерди тузаланарына ӧйи чокымдалбаган ӧйгӧ алган болгон. Бу документке колды ол тушта горисполкомныҥ председатели Михаил Гнездилов ло исполкомныҥ качызы Александр Чеконов салган болгон. Jанында агаштар ӧзӱп ле јол ӧдӱп турган бу јерде ол кеми 36 квадратный метр турачак тудуп алган. Кызалаҥду 90-чы јылдарда, качан ишјалды 3-5 айдыҥ туркунына тӧлӧбӧй турган ӧйдӧ, балдарын ол ӱйи јогынаҥ чыдаткан. Оныҥ ӱйи јадын-јӱрӱмниҥ кызалаҥына чыдашпай, биленеҥ јӱре берген болгон…

«…Тургуза ӧйдӧ јердиҥ кадастрыныҥ специалисттери мениҥ билемди јаргыга берерге јазанат, нениҥ учун дезе, кӧрӧр болзо, биске берген јерде бистеҥ озо ӧскӧ ээ болгон болуптыр. Эмди, 45 јыл ӧткӧн соҥында, бу кижи бистиҥ јерди ээленерге туру. Керек јаргыга берилип јат» — деп, сурагыла баштанган кижи куучындаган.
Владимир Николаевич бу суракты бойыныҥ шиҥжӱзине алып, керектиҥ аайына чыгарга, документтерди каланыҥ администрациязына аткарарга туру. Оноҥ бу сурак јанынаҥ аайлаштыру ӧдӧр.

Туштажуга келген база бир кижи, јарлу билимчи ле јондык ишчи, тура-коммунальный јеткилдештердиҥ тӧлӧмирлери, кӧп квартираларлу тураларды јазаарыныҥ взносторы јанынаҥ оныҥ иштеп алган јеҥилтелерин бир ле јакаанла јӧптӧп салзын деп суракла баштанган. «55 јылдыҥ туркунына иштеп, ӱредӱликтиҥ ӧзӱмине камааным јетирип, башка-башка јондык-политикалык иштерде туружып, экинчи группалу кенек болуп тура, государствоныҥ јанынаҥ меге андый ајару эдилерин сураар тап-эрик менде бар деп бодойдым» — деп, ол айткан.

Бу јуукта бойыныҥ 86 јажын темдектеген ол кижиге Владимир Тюлентин мынайда јартаган: Алтай Республиканыҥ 2013 јылдыҥ кӱӱк айыныҥ 27-чи кӱнинде јарадылган «Алтай Республиканыҥ јеринде кӧп квартираларлу тураларда текши јӧӧжӧниҥ капитальный ремонтын ӧткӱрерин јеткилдееринде колбуларды аайлаштырары керегинде» јасагыла болзо, капремонт учун взносты тӧлӧӧриниҥ чыгымдарыныҥ 100 процент компенсациязы јажы 80 јашка једип калган, јаҥыскан јадып ла иштебей турган улуска эдилет — бу улуста оны тӧлӧӧри јанынаҥ тӧлӱ јок болзо.

Компенсацияныҥ кеми тураныҥ текши кеминиҥ бир квадратный метри учун капремонттыҥ взнозыныҥ эҥ ас кемине келиштирте чотолып јат. Ай туркунына ол взностыҥ кеми 7.44 салковой болот. Анайда ок чотомол эдер тушта, јаҥыскан јадып турган кижиге келижип турган субсидияны чоттоорындагы тергеелик стандарттыҥ кеми ајаруга база алылат. Бу стандарттыҥ кеми бистиҥ тергееде 33 квадратный метр.

«Кеми стандарттаҥ артыкташ јер учун коммунальный тӧлӧмирдеҥ, керек дезе бастыра јӱрӱминде ак-чек иштеген улусты, јайымдаар тап-эрик спикерде јок» — деп, Владимир Тюлентин јартаган.

АР-дыҥ Эл Курултайыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина