Бӱгӱн ӱренчик, эртен – билимчи...

Бӱгӱн ӱренчик, эртен – билимчи…

05.06.2018

Республиканыҥ јайаан јайалталу балдарыныҥ «Еврика» деген јайгы школыныҥ кӧдӱриҥилӱ ачылтазы ГАГУ-да кичӱ изӱ айдыҥ 4-чи кӱнинде ӧтти.

Ӱренчиктердиҥ јайгы школыныҥ амадузы – јайаан јайалталардыҥ математика, гуманитар ла естественно-билимдик ууламјыларла билгирин, билерин тереҥжидип элбедери.

Кичӱ изӱ айдыҥ 3-9 кӱндеринде ӧдӱп јаткан школдо башка-башка аймактардаҥ ӱренчиктердиҥ Бастырароссиялык олимпиадазыныҥ муниципал бӧлӱгиниҥ јеҥӱчилдери ле призерлоры – 30 бала эрчимдӱ туружар. Олор 7-8 класстардыҥ ӱренчиктери. Ӱренчиктерди неделе туркунына математикала, физикала, историяла, обществознаниеле, орус тилле, литературала, биологияла, химияла ГАГУ-ныҥ билимчилери ле ӱредӱчилери ӱредер, таскадар.

Кӧдӱриҥиде јайаандык јайалталарды Алтай Республиканыҥ ӱредӱ ле билим министриниҥ ордынчызы Ольга Болтошева, ГАГУ-ныҥ ректоры Валерий Бабин, ӱредӱ бӧлӱк аайынча проректоры Татьяна Куриенко туружып, балдарды уткыды.
Алтай Республиканыҥ ӱредӱ ле билим министерствозы ла ГАГУ јайалталу балдарды јӧмӧп болужар амадула бу ишти ӧмӧ-јӧмӧ ӧткӱрет. «Эврика» деген школ мынаҥ ары јол алынып кӧндӱгер деп олор ижемјизин айттылар. Jуук ӧйдӧ, айса болзо, бу балдардаҥ билимчилер, башкараачылар, спортчылар, бир сӧслӧ јакшынак улус чыгар…

К. Пиянтинова
Е. Бутушевтиҥ фотојуругы
(Элбедилген бичимел газеттиҥ келер номеринде јарлалар)

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина