Кереес чаалдар отургызылган

05.06.2018

Кӱӱк айдыҥ 30-чы кӱнинде Jаргы департаменттиҥ Алтай Республикадагы башкартузы тӧзӧлгӧниниҥ 20-зинчи јылдыгына учурлай «Граждан јууныҥ геройлорына» деген скверде чибилердиҥ аллеязы отургызылган ла оныҥ јанына алтай ла орус тилдерле бичилген бичиктӱ кереес таш тургузылган.

Бу керек онойдо ок «Агаш отургызар бастырароссиялык кӱн» деген акцияла колбулу болгон. Ондо тергеебис јаантайын эрчимдӱ туружат.

Кӧдӱриҥини ачып, Jаргы департаменттиҥ тергеелик башкартузыныҥ јааны Роман Нонуков башкартуныҥ тӱӱкизи ле бӱгӱнги ижи керегинде кыскарта куучындаган.

Агаштыҥ чаалдарын отургызарында РФ-тыҥ Ӱстиги јаргызыныҥ Jаргы департаментиниҥ чыгартулу улузы турушты: јаргылардыҥ ижин тӧзӧмӧл иш ле тап-эрик сурактар аайынча јеткилдеер тӧс башкартуныҥ јааныныҥ ордынчызы В. Р. Зиятдинов, Jаргы департаменттиҥ государстволык служба ла кадрларла јеткилдеер службазыныҥ бӧлӱгиниҥ јааны А. А. Шлемин, АР-дыҥ Ӱстиги јаргызыныҥ председатели М. В. Алексина, АР-дыҥ Арбитраж јаргызыныҥ председатели В. О. Шермер, АР-дыҥ Jаргылар совединиҥ председатели Н. И. Сумачакова, АР-дыҥ јаргычылары, јаргылардыҥ ишчилери ле ветерандары.

Jаргы департаменттиҥ тергеелик башкартузыныҥ узак ӧйлӧргӧ ак-чек иштеген ишчилерине ле оныла колбуда иштеп турган организациялардыҥ чыгартулу улузына кайралдар табыштырылды.

«РФ-тыҥ Ӱстиги јаргызыныҥ Jаргы департаментине 20 јыл» деген медальла Сергей Соловьев (2008 јылдаҥ ала АР-дыҥ Ӱстиги јаргызыныҥ администраторы), Елена Угренева (башкартуда 6 јыл иштеген, 19 јыл — јаргы системада), Александра Мундусова (башкартуда 18 јыл иштеген), Елена Дружинина (башкартуда 12 јыл иштеген, 19 јыл — јаргы системада), Нина Колодзева (башкартуда 7 јыл иштеген), Надежда Майорова (башкартуда 12 јыл иштеген), Сергей Тимин («Горно-Алтайкоммунпроект» ООО-ныҥ баш инженери) кайралдаттылар.

Jаргы департаменттиҥ Алтай Республикада башкартузы јылу ла кӧдӱриҥилӱ айалгада отургызылган бу чибилер јаанап ла јаранып, оныҥ јаныла ӧткӧн кажы ла кижини сӱӱндирип турарына иженет.

Э. КУДАЧИНА

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина