Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Аҥ ӧскӱреечилердиҥ каруулу ӧйи

15.06.2018

Тургуза ӧйдӧ Туулу Алтайдыҥ кезик ээлемдеринде аҥныҥ мӱӱзин кезери аайынча иш ӧдӧт.

Кӧксуу-Оозы аймакта «Абайский» СПК бистиҥ республиканыҥ аҥ ӧскӱрип турган эҥ јаан ээлемдериниҥ бирӱзи болуп јат. Бу СПК-ныҥ Сугаштагы бӧлӱгинде база аҥ ӧскӱрилет, мындагы аҥ ӧскӱреечилердиҥ бригадазын узак ӧйдиҥ туркунына В. А. Аратин билгир башкарат.

—Бу маральник 1995 јылда тудулган, оны туткан јербойыныҥ улузыныҥ кезиги соҥында мында ла аҥ ӧскӱреечи болуп иштеп арткан. Аҥдарды бери бистиҥ СПК-ныҥ Талдудагы ла Сузардагы маральниктеринеҥ экелгенис. Бригадабыста 9 кижи иштейт. Мында узак ӧйдиҥ туркунына иштеп койгондордыҥ тоозында Артур Телесов, Аржан Иртышев ле о. ӧ.
Алдында јылдарда аҥныҥ мӱӱзиниҥ бескези уур болотон, чокымдап айтса, бир аҥныҥ мӱӱзиниҥ орто бескези 8-9 килограммнаҥ болгон, эмди дезе — 6-9 килограммнаҥ. Бӱгӱнги мӱӱстер узун, је чичке болот. Азыйда мӱӱстиҥ јооны 23-24 сантиметрге једип туратан, эмди —18-20. Мындый айалга ӧскӧ дӧ ээлемдерде туштайт. Байла, андый кубултаныҥ шылтагы ай-кӱн кубулып турганыла колбулу.

Jербойыныҥ улузы јердиҥ пайын алып аларда, ээлемниҥ кыра-јалаҥдарыныҥ кеми астап калганынаҥ улам аҥдардыҥ тоозын ӧскӱрери, олорго арбынду азырал белетеери кӱчке келижет. СПК Октябрьскийдеҥ јер садып алып, азыралдыҥ кезигин анда белетеп турганы биске јаар арга болот— деп, Василий Акчабаевич куучындады.

Аҥ ӧскӱреечилер аҥдардыҥ мӱӱстерин кезер ле олорды белетеер тушта бастыра ээжи-некелтелерди чокым бӱдӱрерге кичеенет, нениҥ учун дезе олордыҥ ижинеҥ соҥында Кореядӧӧн садуга аткарылатан мӱӱстиҥ чыҥдыйы, бу садыжудаҥ алылатан кирелтениҥ кеми кандый болоры чике камаанду.

Е. БУТУШЕВ
Автордыҥ фотојуругы.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина