Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Узак ӧй артпады

25.04.2017

Jай келип, балдарды лагерьлерде амырадатан ӧйгӧ јетире кӧп ӧй артпады.

Оныҥ учун аҥылу службалар ла ведомстволор Туулу Алтайдагы балдар амырап турган учреждениелерде шиҥжӱлӱ иштер ӧткӱрерине белетенет. Jаан ајару балдарга јеткер болбозыныҥ сурактарына эдилер.

Тегин анайда алза, 2016 јылдыҥ јайында Туулу Алтайда балдардыҥ су-кадыгын тыҥыдатан ла амырадатан 224 учреждение иштеген деп, Алтай Республиканыҥ ӱредӱ ле билимдик аайынча министерствозыныҥ сайтында бичилген.

Олордо 23 муҥга шыку бала амыраган, ол тоодо 4 муҥ кире бала стационарный учреждениелерде. Анайда ок јӱрӱмниҥ кӱч айалгазына кирген 13690 бала лагерьлерде су-кадыгын база тыҥыткан.

Балдарды амырадарына республикан, муниципал бюджеттердеҥ ле профсоюзтардыҥ акчазынаҥ, анайда ок ада-энелердиҥ акчазынаҥ текши тооло 83 миллион салковой кире акча чыгарылган.

Алтай Республикада балдарды амырадатан учреждениеде бир кӱн амыраганы учун тӧлӧйтӧн акчаныҥ кеми быјыл тыҥ кубулбас, је каланыҥ, јурттардыҥ тыштындагы учреждениелерде амырайтан путевкалардыҥ баазы эмеш бийик.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина