Федерал журналисттердиҥ Алтайла јол-јорыгы

03.06.2017

Россияныҥ федерал СМИ—лериниҥ чыгартулу улузы бу јуукта ар—бӱткенниҥ Сайлугемдеги паркында болгон.

«Коммерсант» газеттиҥ, «Огонек» журналдыҥ, «Российская газетаныҥ» корреспонденттери ле Lenta.ru порталдыҥ баш редакторы Туулу Алтайдыҥ јабыстай јерлериниҥ ар-бӱткениле таныжала, оноҥ Кош-Агаш аймак атанып, андагы тайга-таштардагы ирбис керегинде јетирӱлер јууган. Олордыҥ бу ижине јаан болужын заповедниктиҥ ишчилери јетирген. Ырыс келижип, олор ирбистиҥ истерине ле кочкорлорго туштаган, ирбистиҥ фото- ло кӧрӱчакпыга бу јуукта согулган јуруктарын кӧргӧн.

Федерал журналисттерди јол-јорыкта анайда ок «Алтайдыҥ Чолмоны» газеттиҥ фотокорреспонденти Евгений Бутушев база ӱйдежип јӱрген. Федерал журналисттердиҥ бу јол-јорык ӧйинде белетеген кӧрӱсюжеттерди тӧс телеканалдарда кӧргӱзери башталып калды, темдектезе, федерал 5-чи телеканал кӧргӱскен.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым