Аракыны эҥ ле кӧп кайда ичет?

07.06.2017

Роспотребшиҥжӱниҥ докладында айдылганыла, Россияда аракыны эҥ ле кӧп ичип турган јерлердиҥ тоозына Магаданский ле Сахалинский областьтар, Москва ла Коми Республика кирет.

Бу талаларда бир кижиге келижип турган ару спирттиҥ кеми 13 литрдеҥ ашкан.
Аракыны ас ичип турган јерлер—Тӱндӱк Кавказтыҥ республикалары: Ингушетияда ла Чечен Республикада—0,1 литрдеҥ, Кабардино-Балкарияда—0,5 литрдеҥ, Тӱндӱк Осетияда—0,6 литрдеҥ.
Калганчы беш јылдыҥ туркунына ачу «ашты» ичери текши Россияда 40 процентке астаган деп, Роспотребшиҥжӱниҥ докладында бичилген. Jе кезик ширтеечилердиҥ шӱӱлтезиле, Россияда аракыны иче-ри астабаган, кабакты, кызыл аракыны јажытту эдери ле садары кӧптӧгӧн, оны Роспотребшиҥжӱ тоого ал-баган.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина