Ирбис: јербойыныҥ улузы болужат

15.06.2017

Ирбис Туулу Алтайдыҥ кандый јерлеринде бар болгонын илезине чыгарар шиҥжӱ ишке јаан болужын јербойыныҥ улузы база јетирет деп, Jерлик ар-бӱткенниҥ бастырателекейлик фондыныҥ Алтай-Саян бӧлӱгиниҥ специалисттери темдектейт.

Бу фондтыҥ специалисттери јербойыныҥ кезик улузын јерлик тындуларга тургузылып турган фоточакпыларды тайга-ташта канай тургузарына ӱредип, ол тургузылган јазалдар ажыра сӱрекей керектӱ јетирӱлер алат. Кандый да болзо, јербойыныҥ улузы ирбис кайда јӱрӱп туратанын јакшы билер учун, специалисттер олордоҥ болуш аларга баштанат. Сайлугемдеги национальный парктыҥ јааныныҥ ордынчызы Денис Маликовтыҥ айтканыла, јербойыныҥ улузы ирбис јаҥыс ла бу парктыҥ кандый јерлеринде бар болгонын эмес, је анайда ок парктыҥ гран-кыйузыныҥ тыштында кандый јерлерде бар болгонын илезине чыгарарына јаан болужын јетирип јат.
—Тургуза ӧйдӧ Jазатырдыҥ ла Аркыттыҥ эки кижизи тӧрт ирбисти бойыныҥ шиҥжӱзинде тудат. Анчада ла Аркыттыҥ кижизиниҥ тындуларды чеберлеп алары јанынаҥ билим ишке, тындуларга сӱрекей јеткерлӱ тузактарды јоголторына јетирип турган јаан болужын аҥылап темдектеер керек—деп, ол айткан.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым