«Jаан Алтай» резерват—јӧп јарадылган

16.06.2017

ЮНЕСКО-ныҥ «Кижи ле биосфера» деген программазы аайынча албатылар ортодогы координационный советтиҥ ээчиде јууны Парижте ӧтти.

Jуунныҥ уч-турултазыла, биосферный резерваттардыҥ телекейлик сетине база 23 јаҥы јерлер кийдирилген. Россияда Хакасский, Метсола (Карелия), Кизлярский залив (Дагестан) деген биосферный резерваттар, Кадындагы биосферный заповедниктиҥ ле Казахстандагы Котон-Карагайский национальный парктыҥ јеринде «Jаан Алтай» деп трансграничный биосферный заповедник тӧзӧӧри керегинде јӧп јарадылган. Мындый резерваттар тындуларды, ӧзӱмдерди чеберелеп алар, јербойындагы калык-јондордыҥ турумкай ӧзӱмин јеткилдеерине јӧмӧлтӧ эдер амадуларла тӧзӧлӧт. ЮНЕСКО-ныҥ албатылар ортодогы мындый бийик статузы тургуза ӧйдӧ 120 ороонныҥ 600-теҥ кӧп туружаачыларында бар.
Ол ок ӧйдӧ телекейлик сетьтеҥ Болгарияныҥ ла США-ныҥ бир канча биосферный резерваттарды чыгарылган деп, Кадындагы биосферный заповедниктиҥ пресс-службазы јетирет.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым